7.

1. Sol sub nube latuit,
Sed eclipsis nescius,
Cum se carni miscuit
Summi patris filius,
Maritari voluit

Verbum patris altius,
Nubere non potuit
Caro gloriosius.

2. Qui solas aeternus est

Et qui regit omnia,
Quod non erat, factus est,

Nec tamen res alia,
Illum, qui solutus est,

Stricta ligat fascia,
Jacet, qui immensus est,

Inter animalia.

3. O domus, o regia,

Domus inquam Domini,
Domus nulli pervia

Nisi Deo homini;
O mira materia

Partus, data nemini,
Nulli quidem propria

Nisi uni virgini.

4. Absque Dei numine

Sensu nullo capitur,
Quod de matre virgine

Deus homo nascitur;
Qui mentis acumine,

Loco nullo clauditur,
Ens tamen in homine

Jacet, sedet, graditur.

R Gaude nova nupta,

Fides est et veritas,
Quod a carne deitas
Non fuit corrupta.