8. De Corona Spinea.

In 1. Vesperis.
Antiplionae.
1. Novi festi gaudio
Francia nitescit,
Regis regum xenio
Regni decus crescit.
2. Omnis zona sub corona
Jesu Christi clauditur,
Francis tamen in solamen
Speciale mittitur.
3. Sertum Christi deserit
Graecos et Hebraeos,
Se Latinis inserit
Et honorat eos.
4. Corda pungat et compungat
Spina flore pulchrior,
Vernans apud Christi caput
Adhuc est flagrantior.

5. Pars coronae nos ditavit
Caroli temporibus,
Ludovico Deus favit,
Totum reddens partibus.

R. Triumphales

virtutum tituli
Vi subacta

mortalis stimuli
Sub spincto

divini circuli
Nos coronent

in fine saeculi.
Nox diei,

vitae mors visita,
Ligno vitae

spina praeposita,
Crux honori

restaurant perdita.

V. Coronato

nostra miseria,
Qui honore

coronat omnia,
Et flamini

cum patre gloria.

Ad Magnificat.

A. Felix terra,

quae spinas protulit,
Regis regum

quas caput extulit,
Quarum multo

punctus est stimulo
Moriturus unus

pro populo.
Sertum diva

redolens tempora
Nostra fecit

beata tempora
Vernans intra

Francorum litora.

Ad Matutinum.
Invitatorium.

Adoremus humilem
Spinis coronatum,

Quem exspectat judicem,
Quidquid est creatum.

In 1. Nocturno.
Antiphonae.

1. Qui de coelis unctionem
Regi misit Franciae,
Per coronae missionem
Hunc honorat hodie.
2. Ex hiulcis terrae sulcis
Crucem traxit Helena,
Rex de Graecis tulit thecis
Coronam Francigena.
3. Dum medium silentium
Pacis teneret Francia,
Per Salomonem alium
Francorum ditat solium
Corona Dei propria.

Responsoria.

1. Occidentem

illustrat oriens,
Solum novum

Gallis adjiciens,
Resurgentis

coronam largiens.
V. Visitat rex omnium

nostram regionem
Et girando flectitur

jam ad aquilonem.

2. De torrente

bibens miseriae
Exaltavit

caput rex gloriae
Coronatus

spinis angustiae.
V. Regnaturos

decet augustia,
Ut coronae

monet materia.

3. Felix spina,

cujus de stimulo
Fructus vitae

pendet pro pabulo,
Morienti

succurrens saeculo.
V. Hujus decor

in aula regia
Et regali

splendet ecclesia.

In 2. Nocturno.
Antipbonae.

1. Dei dono obviam
processio grata,
Ut castrorum acies

Exit ordinata,
Sternitur miraculis
strata consecrata.

2. Gaudeat Parisius
Serti privilegio,
Quo non exstat dignius
Sub solari radio.

3. Salvum fac, o Domine,
regnum atque regem,
Qui coronae gaudio
tuum ditas gregem.

Responsoria.

1. Hierusalem

atque Bisantium
Divae liquit

coronae pretium,
Ut Gallorum

fiat praesidium.
V. Fert magistra

mundi Parisius
Sertum lauro

sophiae dignius.

2. Qui per terras et per mare

Cunctis rebus imperat,
Fluctus sedat, nimbos arcet,

Velis auras temperat;
Felix navis, cujus onus

Casus maris superat.
V. Rex, qui navi naufraganti

Mitigavit maria,
Nunc coronae transfretanti

Cuncta reddit mitia.

3. Sacras merces

vincentes pretia,
Quas in pignus

sumpsit Venetia,
Regis nostri

redemit copia.
V. Liberalis

regis rex omnium
Per coronam

confirmat solium.

In 3. Nocturno.
Antiplionae.

1. Nuntiat in gentibus

Sertum, quod portavit,
Quod a ligno crucifer
Dominus regnavit.

2. Judicatus nequiter
Orbem judicabit
Et certantes fortiter
Secum coronabit.
3. Diligit judicium

Honor summi regis,
Et fidele solium
Per coronae praemium
Firmat lator legis.
R esponsoria.
1. Diadema

dat virgo carneum,
Synagoga

crudelis spineum,
Sic coronant

regem aethereum.
V. Ipsa die

vernoque tempore
Vernat Christus
utroque decore.
2. Serti viror

virtuti proprius
Plus quam auri

vel gemmae radius
Triumphantem
ornat decentius.
V. Non quaerebat

fulgens imperium,
Sed virorem
vitae mortalium.
3. Sacri Petro regni clavis
Et unius uni navis

Datum est remigium ;
Unitatem scindens Graecus
Coronarum perdit decus,
Perdit et imperium.
V. Minor natu Gallia
Fidei majoris
Emit primogenita
Fratris senioris.

In Laudibus.
Antiplionae.
1. Pretiosum, non spinosum
Christus sertum respicit,
Nec picturis, scd puncturis
Coronari voluit.

2. Coronatus, exaltatus
Ad se traxit omnia,
Vis palmaiam apertarum
Aperit coelestia.

3. Homo, sursum cerne rursum
Sertum Dei spineum,
Hic redegit, quidquid egit
Per serpentem aeneum.

4. Crucifixi spolia,

Crux, corona, clavi,
Transeunt a sedibus,
Quas foedabant pravi.

5. Ecce, fit Parisius

Paradisi risus,
Ubi viror oritur

Junci pulchri visus,
In quo sua messuit

serta paradisus.

Ad Benedictus.

A. Ecce, festum

novae laetitiae
Lucis auget

decorem hodie,
Quo rex regum

dilectae Franciae
Sertum praebet

cervicis propriae.

Ad Parvas Horas.
Ad Primam.

A. Regis caput ambiens

Sertum aerumnosum
Angulari lapide

fuit pretiosum,
Inter vepres aries

cornibus haerebat,
Cum coronam spineam

victima ferebat.

Ad Tertiam.
A. Hominum prae filiis
forma speciosus
In corona spinea
fulsit gloriosus,
Rubi splendor veteris

in hac renovatur,
Novo rubo legifer
novus coronatur.

Ad Sextam.
A. Sicut dulci pluvia
Gedeonis vellus,
Sic recenti gratia
Visitatur Francia,
Sacra Dei tellus.

Ad Nonam.
A. Quasi sponsum decoratum
Corona laetitiae
Contemplemur coronatum
Regem Christum hodie.

In 2. Vesperis.
Ad Magnificat.

A. Christe, dator

victricis gratiae,
Quos corona

ditas victoiiae,
Fac victores

mundi miseriae,
Coronandos

corona gloriae.

R. In Constantinopoli
Sumpta manu Karoli

Pars coronae Domini
Datur Dionysio,
Florum testimonio

Vulgi nota lumini,
Parte fulget alia
Regis nostri regia,

Fax honoris gemini.

1. Ingrediente domina
Coronarum Parisius
Tamquam ad nova numina
Coetus exsultat obvius.

2. Hosanna Dei filio

Clamant Hebraei mystici,
Signorum teste radio
Cives occurrunt coelici.

3. Augusti lux undecima

---

indicit Franciae,

Pro messe ferens optima
Coronam regis gloriae.