10 SEPARATIONIS TORI

EA QUAE PRO VIRO SUNT ANIMADVERSA. Ioannes inquiebat, non

quamvis sed iustam et legitimam causam concurrere oportere ad tori separationem decernendam, cuiusmodi esset causa sae- vitiarum vel implacabilis odii, vel quiquid aliud grave, ex quo coniugum animi ita esacerbati evadant, ut alterutrius vita gra- viter periclitetur: idque exigere non qualecumque sed rigorosam evidentemque probationem: hinc si in saevitiis causa reponatur, non quamlibet saevitiam causam esse posse, ut saepe tradidit S. Rota et nominatim in decis. 39 n. 12 p. 6 recent., ubi legitur, « ut non quaelibet saevitia sufficiat, sed illa tantum, quae re- « sultat ex pluribus et reiteratis actibus, et iis quidem atroci- « bus ; adeo ut nec plures moderati, nec unus atrocissimus sut- « ficiant ».

Rursus, si implacabile odium inter coniuges obtrudatur, in- spiciendum esse, utrum revera coniuges odio exardescant, unde emanaverit, utrum perpetuo duraturum, utrum nulla reconcilia- tionis spes affulgeat.

Si denique maximum proferatur alterius coniugis vitae pe- riculum, sedulo perpendendum esse an istud in simplici metu aut suspicione consistat, S. Rota Amnionen, separationis tori 6 Iunii 1766 coram De Comitibus.

At vero si de saevitiis sermo habeatur, inquiebat Ioannes, primo eas non ostendi, cum in assertione Luciae totae consi- stèrent, neque Parocho esse credendum, tum quia unus testis, tum quia hac in re suspectus esset; secundo saevitiarum facta, quae a Lucia narrarentur, inter saevitias connumerari non posse, quia leves essent actus et momentanei vel ex primo im- petu et ex magna animi commotione, vel ob uxoris culpam, ino- bedientiam et pervicaciam prodire potuerint, ex quibus argui non posse consuetudinem insaeviendi, quae consuetudo neces- saria esset pro decernenda tori separatione, Rota in Signina separat, tori 4 Iunii 1790 §. 5 coram Malvasia. Idipsum de iniu- riosis verbis sentiendum esse inquiebat, quae praeterea totidem iniuriis lacessita a Lucia essent : actum profecto esse ait de uni- versis fere coniugiis, si ex inofficiosis parumque urbanis verbis coniuges separari deberent, contra dispositionem textus in Cap. Literas, de Bestit. spol., ideoque S*. Congregationem Concilii in casu duriori separationem tori negasse in Firmana, die 16 Maii 1789.