9. De beata Maria V in Inventione Reliquiarum Baiocensium.

In 1. Vesperis.

R. Stirps Iesse virgam

produxit virgaque florem,
Et super hunc florem

requiescit spiritus almus,
V. Virgo Dei genetrix

virga est, flos filius eius.

In 1. Nocturno.
Antiphonae.

1. [O] specialis

virgo inter agmina

Virginum, gaude
munere magnifico.

Quae sola regem
regum ferre, Maria,

Digna fuisti

casta intra viscera,

Qui minoratus

paululum ab angelis.

Ex deitate-
que patri consimilis.

2. Caeli reginam

te iure, Maria, fatemur,
Ex cuius thalamo
processit iustitiae sol.

3. Virgo, creatoris

caelorum mater et orbis,
Innocuis manibus

mundo quoque corde beata,
Rite Dei pinguem

meruisti scandere montem.

Eesponsoria.

1. Prodiit ex Abrahae

generosa stirpe Maria,

V. Virgo creatorem

progenitura suum.

2. Virga tulit sicca

fructum virgoque pudica
Non operante viro

prolem tulit ordine miro,
V. Nam virgo pariens

inviolata manet.

3. Castitatis ad exemplum,
Virgo, Dei facta templum,

Ora patrem, filia,
V. Nos ut mundos a peccatis

Sua salvet gratia.

In 2. Nocturno.
Antiphonae.

1. Gratia caelestis,

reparatrix totius orbis,
Diffusa est labiis

virgo Maria tuis;
Propterea regum

te rex benedixit in aevum
Et facit a dextris,

casta, sedere suis,
Aurea quam fulvo

vestis circumdata limbo
Ambit et exornat

riteque condecorat.

2. Sanctificans Dominus

templum Christus sibi dig-
num
Virgine matre satus

descendit ab arce polorum,
Cunctae cui gentes,

terrae simul omnia regna;
Gaude, Dei genetrix,
dicunt, he Kyria chere.

3. Aula, Maria, Dei

casta titulusque pudoris,
Porta Sion rutilis

semper fundata saphiris,
Quae sola cunctis

patuisti clausa tonanti,
Suscipe servorum

miserans pia vota tuorum.

In 3. Nocturno.
Antiphonae.

1. Psallite cantantes

Domino nova cantica Christo,
Omnis et illius

nomen benedicito tellus,
Mundo virginea

quem florens protulit alvus.