7. In Nativitate Domini.

1. Lumen patris resplenduit,
Exsultet omnis mundus,
Deus natus est hodie,
Sit homo Iactabundus.

Humana caro floruit
In hominem secundum,

Quam primus parens posuit
Doloris in profundum.

R In gaudio
Sit contio,
Sollennis modulatio
Atque mentis devotio.

2. Maria, proles regia,

Concepit novum regem
Virginitatis utero,

Miramur novam legem,
Corruptionis nescia

Enixa summum rerum,
Pannis involvit vilibus

Puella lumen verum.

R In gaudio
Sit contio,
Sollennis modulatio
Atque mentis devotio.

3. Virgo, parens mitissima,

Infantem lactans Deum,
Qui iacet in praesaepio

Maerendo plasma reum.
Vilis locus praesaepium,

Sed puer ille dives,
Cui cantant in gloria

Caelorum summi cives.

R In gaudio
Sit contio,
Sollennis modulatio
Atque mentis devotio.