8. Ad Christum Oratio.

1. Rex, salvator saeculorum,
Jesu Christe Domine,

Qui cum Deo patre manes
et cum sancto flamine,

Opem mihi confer pius
tuo medicamine.

2. Tua, Deus, me conservet
praesens visitatio,

Tua semper me defendat
clemens obumbratio,

Tua salvet me clamantem
potens incarnatio.

3. Ex utero virginali

carnalis egressio
Me protegat atque tua

sancta circumcisio,
Me splendore pietatis

lustret apparitio.
4, Per baptismum tuum, Christe,

fac me frui gloria
Jejunium tuum mundet

ab omni nequitia,
Me relevent atque salvent

tua mirabilia.
5. Pia, Deus, amicorum

tuorum electio
Fiat mihi peccatorum

cunctorum remissio,
Ut gaudere tecum queam

in coeli palatio.
6. Mors in cruce tua, Deus,

et ingens angustia,
Magnus dolor, quem es passus

pietate nimia,
Me supernae civitatis

ducat ad consortia.
7. Tua, pie Christe Jesu,

rex regum, redemptio
Sit ubique praesens mihi,

salus et defensio,
Ut aeterno possim felix

interesse gaudio.

8. Me triumphus ille magnus

atque resurrectio,
Me conservet tua, Christe,

gaudens apparitio
Et in coelum mirabilis

ad patrem ascensio.

9. Tua clara, pie Deus,
et ingens victoria,

Tua magna sempiterna,
quam habes, laetitia,

Exoptata mihi reddant
paradisi gaudia.

10. Paraclitus septiformis,

quem tuis fidelibus
Tribuisti dono patris

de supernis sedibus,
Me conservet et faciat

frui bonis omnibus.
11. Sit ubique mihi, Deus,

tua gubernatio,
In aduersis et prosperis

tua consolatio,
Muro tuo me circumda

pius et auxilio.

12. Non me sinas violari
tentationis laqueo,
Sed extende manum tuam

et protege clipeo,
Ne demergar cum iniquis
in Averni puteo.
13. In adventu tuo, Christe,
fac, ut mea portio
Tecum fiat in aeternum

in coelesti gaudio,
Ut te laudans et exsultans
vitae fruar praemio.
14. Sit laus, virtus trinitati,
decus et potentia,
Imperium sempiternum,

salus, honor, gloria
Detque mihi sempiternae
claritatis gaudia.