SERMO X.

IN PURIFICATIONE

BEATAE MARIAE VIRG.

Tulerunt Jesum in Jerusalem ut sisterent eum Domino.

Luc. ii, 22.

Quatuor hic prima facie notare potes :

I. Qui tulerint ? II. Quem tulerint ?III. Quo tulerint ?

IV. Propter quid tulerint?Qui ? Joseph et Maria. Quem ? Puerum Jesum. Quo ? In Jerusalem. Propter quid? ut sisterent eum Domino. Glossa, id est, " offerrent, et consecra-" rent. "

I.

Et nota, quod sicut Joseph et Maria tulerunt puerum Jesum in Jerusalem, ut offerrent eum Domino; sic et nos moraliter facere debemus.

Primo debemus spiritualiter esse Joseph et Maria : ut videlicet corpore quasi Joseph, anima vero Maria simus. Sicut enim Joseph Mariam conjugem suam non polluit, sed quasi fidelis custos, ei servivit : ita etiam corpus non debet animam quae conjuncta est ei, polluere, sed potius ipsi fideli custodia deservire.

Hinc est, quod Dominus loquitur Levit. XI, 43 et 44 : Nolite contaminare animas vestras. Ego enim sum Dominus Deus vester : sancti estote, quia ego sanctus sum. Ne polluatis animas vestras.

Et nota, quod non incongrue per Joseph qui interpretatur appositio, corpus intelligitur, quod de die in diem tendit ad hunc finem, ut in sepulcro mortuorum ossibus apponatur. Hinc est,quod legitur Gen. xxxv, 28 et 29 : Completi sunt dies Isaac centum octoginta annorum. Consumptuque aetate mortuus est: et appositus est populo suo .Legitur etiam Gen.XLIX, 32 : Finitis Jacob mandatis quibus filios instruebat, collegit pedes suos super lectulum,et obiit : appositusque est ad populum suum. Convenienter etiam per Mariam quae illuminans interpretatur, pura anima figuratur. Per animam siquidem corpus illuminatur. Nam post abscessum animae a corpore, corpus cinereum jacet et pallidum; unde absentia ejus probat, quid praesentia conferebat.

II.

Secundo, debemus ferre puerum Jesum. Ad hoc monet nos Apost. I ad Cor. VI, 20 : Empti estis pretio magno. Glorificate, et portate Deum in corpore vestro. Ille in anima portat Dominum, qui ei servit ex toto intellectu, et ex tota voluntate, omnique memoria. Anima enim ad hoc se dare debet, ut bonum intelligat : bonum vero quod intelligit, velle debet: id etiam bonum quod vult, semper debet habere in memoria. Ille etiam in corpore suo portat Christum, qui omnia membra corporis, videlicet oculos, aures, os, linguam, dorsum, ventrem, et utrumque latus, manus, et pedes exhibet, et extendit in obsequio Jesu Christi. Unde dicit Apostolus ad Rom. VI, 19 : Sicut exhibuistis membravestra servire immunditiae, et iniquitati ad iniquitatem, ita nunc exhibete membra vestra servire justitiis in sanctificationem.

Et nota, quod dignum est ut portemus Christum, propter sex causas. Prima causa est, quia ipse pro nobis tulit dolores verberum, et flagellorum. Unde dicit Isa. un; 4 : Vere languores nostros ipse tulit, et dolores nostros ipse portavit. Secunda causa est, quia ipse portavit pro nobis spineam coronam, qua acriter pungebatur. Unde dicitur Joan. XIX,

2 et 5 : Milites plectentes coronam de spinis, imposuerunt capiti ejus... Exivit ergo Jesus portans coronam spineam. Tertia causa est, quia ipse pro nobis tulit crucis patibulum. Unde dicitur Joan. XIX, 17 et 18 : Bajulans sibi crucem Jesus, exivit in eum, qui dicitur Calvariae locum... ubi eum crucifixerunt. Quarta causa est, quia ipse peccata nostra, id est, poenam peccatorum pertulit in ligno crucis. Unde dicitur I Petr. ii, 24 : Qui peccata nostra ipse pertulit in corpore super lignum : ut peccatis mortui, justitioe vivamus. Pertulit, id est, perseveranter tulit. Quinta causa est, quia nos ab utero matris usque ad canos portat in peccatis nostris. Unde dicit in Isa. xlvi,

3 et 4 : Audite me..., qui portamini a meo utero... Usque ad senectam ego ipse, et usque ad canos ego portabo : ego feci, et ego feram : ego portabo, et salvabo. Uterus Domini est misericordia ejus, in qua peccatores usque ad senectam et senium longanimiter portat, dissimulans peccata hominum propter poenitentiam. Sexta causa est, quia si eum portaverimus modo, facit nos tandem portari ab' Angelis in sinum Abrahae. Unde dicitur Luc. XVI, 22 : Factum est ut moreretur mendicus, et portaretur ab Angelis in sinum Abrahae. Septima causa est, quia non solum in sinum ad requiem, sed ad ubera portabimur ad refectionem. Unde dicit Isa. lxvi, 12 et 13 : Ad ubera portabimini, et super genua blandientur vobis. Quomodo si cui mater blandiatur,ita ego consolabor vos, et in Jerusalem consolabimini.

III.

Tertio, non debemus Jesum ad tempus portare, et postea a nobis eum rejicere, sicut multi faciunt, qui forsitan per susceptionem poenitentiae ipsum in Quadragesima portare incipiunt; sed statim ipso sancto die Paschae, vel in crastino eum a se rejiciunt, comessationibus, ebrietatibus, ludis prohibitis et lascivis, nec non et luxuriis vacantes, sicut prius facere consueverunt. Portandus itaque est Jesus perseveranter, donec perveniatur in Jerusalem, per quam superna patria figuratur. Jerusalem quippe visio pacis interpretatur. Et vere in illa coelesti superna patria vera pax videtur et est. Unde dicitur in Psal. cxlvii, 12 et 14: Lauda Jerusalem Dominum..., qui posuit fines tuos pacem. Hinc etiam Tob. XIII, 11 et 18 : Jerusalem civitas Dei..., beati omnes qui diligunt te, et. qui gaudent super pace tua.

IV.

Quarto, debemus puerum Jesum in Jerusalem offerre Deo Patri. Illam enim supernam Jerusalem, etsi nondum adhuc corpore possumus, quotidie tamen mente, et corde ingredi debemus, ut Deo Patri puerum Jesum offeramus. Tunc autem puerum Jesum Deo Patri offerimus, cum simpliciter petimus, ut misereatur nostri propter omnia quas pro nobis sustinuit puer Jesus, videlicet propter nativitatem ejus, et circumcisionem ; propter paupertatem, vigilias, lacrymas, et labores ejus : propter colaphos, alapas, et irrisiones, quas pro no- bis sustinuit; propter sputa, quas in facie suscepit, propter flagella qua? pertulit, propter spineam coronam quam in capite portavit, propter sa?va vulnera qua? pro nobis in cruce passus fuit, et propter multa alia qua? pro nobis fecit, vel sustinuit dulcissimus Jesus. Unde Ecclesia omnes orationes suas sic concludit : " Per Dominum nostrum Jesum Chri-" stum Filium tuum. " Hinc est etiam, quod ait Apostolus ad Heb. xiii, 15 : Per ipsum offeramus hostiam laudis semper Deo, id est, fructum labiorum confitentium nomini ejus. Hostia laudis est hostia laudabilis. Ha?c autem hostia non tantum debet esse oratio, sed et fructus eorum qui Domino labiis confitentur.

Et nota, quod Beata Maria Virgo non solum obtulit puerum suum Jesum, sed et obtulit cum eo talem oblationem quam paupercula puerpera secundum legem Moysi consuevit offerre, cujus videlicet manus prae paupertate agnum non poterat invenire. Ha?c autem oblatio erat vel duo turtures, vel duo pulli columba?, sicut legitur Levit, XII, 8. Ponamus ergo pro mysterio, quod obtulerit unum pullum columba?, et unum turturem. In his duabus avibus, ut de multis earum proprietatibus taceamus, quatuor notantur, qua? optime conveniunt Beata? Dei genitrici Maria?. In columba quippe notatur prudens simplicitas, et prolis fecunditas : in turture veronotatur perpetua continentia, et lenitatis patientia.

1. In columba igitur notatur prudens simplicitas. Prudentia ejus in hoc perpenditur, quod vitat insidias accipitris. Unde libenter nidificat in talibus locis, ad qua? accipiter accessum habere non potest. Simplicitas ejus in hoc attenditur, quod non curat de immundis cadaveribus : tantum puro grano vescitur, illoque contenta est. Sic etiam Beata Virgo prudens columba fuit, qua? cavens insidias infernalis accipitris, in Nazareth habitavit. Nazareth enim flos, vel sanctitas in-

terpretatur . Et certe in flore sanctitatis commorantem diabolus nulla persuasione poterat attingere. Simplicitatem etiam suam commendabilem in hoc ostendit, quod omni transitoria delectatione contempta, solum illud coeleste granum elegit, quod erat in sinu Dei Patris, per quod ipsa etiam impleta fuit omni bono. Unde et Angelus dixit ad illam : Ave gratia plena .

2. In columba etiam notatur prolis foecunditas. Unde dicit Aristoteles in libris de Animalibus : " Colombae? ovant " omni tempore, et faciunt pullos : cum " fuerit locus suae mansionis calidus, et " fuerit cibus earum paratus. "Item,dicitur in sexto de Animalibus : " Columbae " ovant decies in anno, et aliquando cu-" bant undecies, et aliquando duodecies, " ut in aegypto. " Igitur a foecunditate prolis commendatur Virgo beata : quia illum nobis genuit, qui melior est omnibus his qui umquam nati fuerunt, vel adhuc nascentur in terris. Unde bene potest ei adaptari verbum illud, quod dicunt mulieres de Noemi in libro Ruth, IV, 15 : De nunc tua natus est, quae te diligit: et multo tibi melior est, quam si septem haberes filios. In veritate natus est Beatae Virgini non de nuru sua, sed et de seipsa talis filius, de quo multo melius est ei, quam si mille filios genuisset, et illi omnes essent Imperatores.

3. In turture etiam notatur perpetua continentia. Unde dicit Aristoteles in octavo libro de Animalibus : " Foemina " turturum non associatur alicui mari, ni-" si uni solum : et nullo modo accipiunt " alium masculum post. " Sic etiam Beata Virgo non solum post mortem sancti Joseph, sed etiam ante mortem suam semper casta permansit. Licet enim viro fuerit desponsata, numquam tamen in contumeliam virginitatis ab eo fuit attacta.

4. In turture etiam notatur lenis patientia. Unde dicit Aristoteles in libro decimo quarto de Animalibus : " In tur "ture non invenitur fel. " Felle igitur, quod amarum est et iracundia? excitativum, prorsus caruit Beata Virgo. Omnes enim tribulationes suas, et adversitates hujus mundi in multa patientia sustinuit, et lenitate.

Nos etiam ad imitationem Beata? Maria? cum puero Jesu columbam offerre debemus, et turturem.

1. Columbam offerimus, si prudenter simplices sumus, et prole foecundi. Ad prudentiam columbinam invitat nos Dominus, Jerem. xlviii, 28 : Estote quasi columba nidificans in summo ore foraminis. Quasi dicat : Nidificate sicut prudentes columba? in foramine lateris mei. Item, ait Cant. ii, 13 et 14 : Veni: columba mea, in foraminibus petroe, in caverna macerias. Glossa dicit,quod " pe-" tra est Christus, foramina vero petra? " sunt illa quatuor vulnera manuum ejus " ac pedum. " Caverna vero maceria? est vulnus lateris ejus, in quibus ab insidiis accipitris nidificare oportet columbam Christi. Simplicitatem etiam columba? imitari debemus : ut sicut illa in cibum eligit purum granum, sic et nos Deum eligamus, qui est illud granum frumenti, quod cadens in terram, id est, Beatam Virginem in Annuntiatione,mortuum fuit in Passione, et multum fructum attulit in Resurrectione et in Ascensione. Hoc granum elegerat ille qui dicit in Psal. lxxii, 25 : Quid enim mihi est in coelo ? et a te quid volui super terram ?

2. Sicut columba foecunda est in prole, sic et non debemus esse imitatores generosa? columba?, ut singulis annis duodecim pullos bonorum operum Domino proferamus. Hi autem duodecim pulli sunt duodecim opera misericordia?. De primis sex pullis dicit Dominus, Matth. xxv, 34 et seq : Venite benedicti Patris mei, possidete paratum vobis regnum a constitutione mundi. Esurivi enim, et dedistis mihi manducare. Ecce primus pullus. Sitivi, et dedistis mihi bibere. Ecce secundus. Hospes etam, et collegistis me. Ecce tertius. Nudus, et cooperuistis me. Ecce quartus. Infirmus, et visitastis me. Ecce quintus. In carcere eram, et venistis ad me. Ecce sextus. Septimus est, ut mortuos sepeliamus. Unde dicitur Tob. XII, 12 : Quando orabas cum lacrymis, et sepeliebas mortuos..., ego obtuli orationem tuam Domino. Octavus est, ut sine spe lucri mutuum demus. Unde dicit Dominus, Matth. v, 42 : Volenti mutuar ia te, ne avertaris. Item, Luc. VI, 35 : Mutuum date, nihil inde sperantes. Nonus est, ut errantes' convertamus. De hoc dicitur Jac. v, 20 : Qui converti fecerit peccatorem ab errore vix suae, salvabit animam ejus a morte, et operiet multitudinem peccatorum. Decimus est, ut desolatis solatium praebeamus. De hoc dicit Job, XXIX, 23 et 13 : Cumque sederem quasi rex, circumstante exercitu, eram tamen moerentium consolator... et cor viduse consolatus sum. Multi sunt ho-

die oppressores pauperum, et viduarum : propter quod bene indigerent bono consolatore. Unde dicitur Eccle. IV, I : Vidi calumnias, quas sub sole geruntur, et lacrymas innocentium, et neminem consolatorem : nec posse resistere eorum violentia , cunctorum auxilio destitutos. Undecimus pullus est, ut peccantibus in nos ignoscamus. De hoc dicit Dominus, Luc. VI, 37 : Dimittite, et dimittemini. Item, Matth. v, 44: Diligite inimicos vestros, benefacite his, qui oderunt vos. Duodecimus est, ut pro peccatoribus orationes effundamus. Unde dicit Dominus, Matth. v, 44 et 45 : Orate pro persequentibus, et calumniantibus vos : ut sitis filii Patris vestri, qui in coelis est.

3. Debemus etiam turturem offerre Domino, ut videlicet ad similitudinem turturis, quamdiu ablatus est a nobis sponsus noster Jesus Christus, lugeamus, nec cor nostrum alicui rei mundans delectabili apponamus, donec ad consolabilem ejus praesentiani veniamus : et praeterea ut in tempore luctus nostri sine omni felle amaritudinis exeuntes, quidquid nobis adversitatis acciderit, leni patientia toleremus.

Quod nobis, etc.