9. In Resurrectione Domini.

1. Ecce, vocibus

2. ''Carmina
''comparibus
ecclesia

dilecto pangat suo
illius

gaudens reditus
triumpho

3. ''Et a pulchra
''tergens gena
lacrimulam
laeta nunc excipiat
regressum,
quem nuper flebat
ademptum ;

4. Qui desursum veniens
huius et affectu ardens
tersit suo vulnere
ab illa
naevum parentis primulae.

5. Huius sponsi radio

procul de nuptae gaudio

synagoga pellatur

colore

obfuscata nigerrimo.

6. Namque illius amore

alto confixus crucis arbore
sacravit lateris
illam flumine.

7. Hanc praefiguravit Eva,
viri eum fabricatur a costa,
et Noe arcula
aquis levata.

8. Hanc Babylonis
nuper tyranno

misere afflictam
atque suis

a sedibus translatam

9. Tu, Christe, favens
ploranti atque

sternens Babylonem,
revocasti

Sion tuum ad montem.

10. Quam hic iucundis
ovantem gaudiis
gratia figurat
mundi florentis.

11. Huius gratiae

consortes nos esse
fac, Iesu, redemptos
tuo cruore.

12. Et qui nostri causa Canopicos
afflixisti morte
principes,
ut nos inde solveres,

13. Praesta, in eremo huius vitae
ut muniti pedes
viperas
conteramus igneas,

14. Te duce promissam

veniamus ut ad terram.