9. Hymnus de passione Christi.

1. In nobis sit memoria
Iam semper Cristi passio,
Ut simus in victoria,
Sit felix nostra natio,
Manebimus in gloria,
Nosque salvabit ratio.

2. Christi passio sanavit

Quidem nos, humanum genus,
Quod daemonium damnavit
Propter magnum primum scelus,
Christus nimis nos amavit,
Fuit hic amore plenus.

3. Nobis non fuisset salus
Sine Christi passione,
Nam sit Christo omnis laus,
Digno benedictione,
Nobis non sit ulla fraus,
Hac regamur lectione.

4. Deo semper ero gratus,
Passionis ero memor ;
Fuit ipse verberatus,
Fuit sibi dirus maeror,
Et ad mortem hic paratus,
Fuit hic amoris fervor.

5. Christus passus nos redemit,
Nos ab inferno liberans ;
O me, quantum ipse gemit,
Ut nos salvaret properans !
Nos hic sanguine redemit,
Qui sibi crucem baiulans.

6. Omnes debemus compati
Et fiere nos ex animo
Et simus nos perterriti
De Christi tam patibulo,
Ut maneamus meriti
De tanto dono valido.

7. Christi tu sancta passio,
Fuisti atrox nimia,
Peccati es remissio
Et delictorum venia,
Divina tu permissio
Pro nostra tu miseria.