9. Ad Dominum Jesum Christum.

1. Ave, Jesu, qui de Deo
Deus natus es ab eo,

Nobis missus coelitus;
Ave, verbum Dei patris,
Es conceptum alvo matris
Luce sancti spiritus.

2. Ave, qui es homo natus
Et in terris nobis datus

Ad pastum ex virgine;
Ave, qui in sancta mente
Saepe nasceris habente
Fidem sine crimine.

3. Ave, cui magi thesaurum
Mysticum, myrrham, thus,aurum

Libabant cum laudibus ;
Ave, qui eras portatus
In templum atque oblatus

Cum libis legalibus.

4. Ave, qui aquam in vinum
Mutasti, architriclinum

Sic laetificaveras;
Ave, qui panibus quinis
Atque de piscibus binis

Turbas satiaveras.

5. Ave, qui in coena ''viotnra
''Eucharistiae invictum

Tuis dabas sociis;
Ave, qui in ara crucis
Passus eras mortem trucis

Ut agnus es hostiis.

6. Ave, qui resurrexisti,
Ut leo vivens vicisti

Vincula hostilia ;
Ave, polos qui petisti
Et ut aves ascendisti,
Duc nos ad coelestia.