10. In Resurrectione Domini.

1. Eia, harmoniis,

socii, laudum resonis

2. Huius splendide vernantis
celebremus gaudia simul
temporis,

8. In quo patriae caelestis
per Christum patet reserata
spes nobis.

4. Nunc gemit Pharao sibi raptos
plaga mortis,

quos afflixit vernaculos.

5. Nos autem referamus supremo
regi grates,

qui nos redemit barathro;

6. Et qui per Christum Canopica
vice Judaeorum
solvimur poena,

7. Montes praeparemus, typicam
pariter ut immo-
lemus victimam.

8. Huius cruore sacrosancto
insigniti mentis domo

9. Non pavemus angeli ensem
caedentis reos vindicem;

10. Et digne carnibus ut suis
epulemur mysticis,

11. Fermenta criminum purgemus,
sinceriter mundemus.

12. Sic eripi in huius
eremo vitae quimus
per caeleste

lumen de taetris hostibus

13. Per lavacrumque Christi
inimicis elapsi
digne ipsum

laudare hymno Moysi,

14. Qui suos maligno

pressos Pharaone alumnos

15. Liberat obstructo

atris abyssis inimico.

16. Quapropter certante nunc voto
iubilemus

tantae potestatis Domino

17. Et suae ianuam praecelsae
pietatis

pulsemus precibus devotis,

18. Moriendo ut qui mortis
legem rupit atrocis,

19. Hic redemptos custodiat,
ne post tergum decidant,

20. Sed ut regnum

scandant promissum.