10. "De V Vulneribus Christi."

1 a. Dulce lignum adoremus.
Dulces clavos honoremus,
Omnes Christum collaudemus
Per crucis mysterium.

1b. Salve, lignum, quod fuisti
Dignum ferre corpus Christi,
Mundo lapso contulisti
Vitam et imperium.

2 a. O crux, ave, speciosa,
Vetustatis vera glosa,
Rubicunda velut rosa,
Agni picta sanguine.

2 b. Per te Christus nos salvavit,
Inimicum dum prostravit
Et nos a peccatis lavit
Cordis sui flumine.

3 a. Ave, scala peccatorum,

Perquam Christus, rex caelorum,
Fines tangens saeculorum
Ad se traxit omnia.

3 b. Omnesnuncad sanctam crucem
Deprecemur Christum ducem,
Ut post mortem nos in lucem
Perducat cum gloria.