Prima Quinquagena.

1. Ave, Iesu, beatorum
Spes et salus miserorum,
Dux et via tu iustorum,
Iter spernis impiorum.

2. Ave, candor purgans mentes,
In quem frustra fremunt gentes,
Invidorum nos rodentes
Et hostiles tunde dentes.

3. Ave, nomen dulce Iesus,
Tu de monte lapis caesus
Et vitalis mentis esus,
Ad te clamat homo laesus.

4. Ave, portae caeli clavis,
Iesu dulcis et suavis,
Ad te clamo corde gravis,
Qui quam mortem vitam mavis.

5. Ave, Iesu, dulcis sono,
Sume tuo super throno
Verba mea, quae propono
Pietatis tuae dono.

6. Ave, salus nostrae spei,
Miserere, quaeso, mei,
O dulcedo requiei,
Tu me sana, virtus Dei.

7. Ave, cuius semper ero,
Me ab hoste serva fero,
Te tutorem meum quaero,
In te, Iesu, quia spero.

8. Ave, nomen admirandum,
Orbi toto praedicandum,
Iesu, dulcis ad narrandum,
Nos accendas ad amandum.

9. Ave, Iesu mi benigne,
Nomen tuum ob insigne
Surge velox, ne maligne
Surgat hostis in nos digne.

10. Ave, passer solitaris,
Qui frequenter immolans
Super tuis sacris aris,
Nunquam tamen consummaris.

11. Ave, Iesu, nosque serva
A progenie proterva
Hostis, ipse quem subnerva
Nosque tibi coacerva.

12. Ave, noster advocatus,
Ne in morte soporatus
Hosti tradar imparatus,
Per te surgam excitatus.

13. Ave, Iesu, rector morum,
Distributor meritorum,
Tu defectum studiorum
Supple, quaeso te, meorum.

14. Ave, Iesu, dulcis totus,
Per te sim in morte notus
Tuo sancto, quo promotus
Sanus fiam nunc aegrotus.

15. Ave, tu sollemnis festu,
Tu solamen es in maestu,
Carnis serva me ab aestu,
Quia Deus meus es tu.

16. Ave, Iesu, vis divina,
Aurem tuam huc inclina,
Ut me serves a ruiua,
Tu vitalis medicina.

17. Ave, spei supplementum,
Omnis boni fundamentum,
Esto mihi firmamentum,
Iesu, laudis ornamentum.

18. Ave, dies tu diei,
Assis mihi, fili Dei,
Ne me vincant Amorrhaei,
Recordare, Iesu mei.

19. Ave, Iesu, dulcis quaeri,
De supernis fac videri
Et de Sion me tueri,
Ne me laedant hostes feri.

20. Ave, Iesu et meorum
Fave voci labiorum,
Ut consortem angelorum
Esse velis me tuorum.

21. Ave, cuius manus cruce
Sunt confossae, nos a truce,
Iesu, salva mortis duce
Ad fruendum tua luce.

22. Ave, Iesu, princeps fortis
Et caelestis dux cohortis,
Ne me perdat umbra mortis,
Educ de inferni portis.

23. Ave, Iesu, Dei manas,
Peto fide, quod sim sanus,
Hostis laedat ne profanus
Me vel timor mundi vanus.

24. Ave, puer nobis datus,
Peto corde tribulatus,
A te laeter consolatus,
A dolore sublevatus.

25. Ave, Iesu, de dilecto
Generatus patre recto,
Da, stent solo de prospecto
Pedes mei in directo.

26. Ave, Iesu, caeli rector,
Cordis mei tu prospector,
Aufer mala, quibus plector,
Vitae meae sis protector

27. Ave, Iesu mi, quem amo,
Ad te, Deas meus, clamo,
Solvas me ab eius hamo,
Quem vicisti crucis ramo.

28. Ave, leo, qui vicisti
Vique tuos rapuisti,
Et me quoque suscepisti
Nec indignum me sprevisti.

29. Ave, Iesu, contra morem
Quem effudit virga florem,
Te cognosco curatorem
Libans laudem et honorem,

30. Ave, Iesu, tibi iungar,
Tu medela, qua perungar,
Ut hic fiendo nunc compungar,
In aeternum ne confundar.

31. Ave, quies mortuorum,
Iesu, salus tu vivorum,
Tectae, quaeso, sint meorum
Foeditates peccatorum.

32. Ave, Iesu, ac dignare
Servum tuum visitare,
Ut cum iustis exsultare
Dignus sim et te laudare.

33. Ave, Iesu, dulcis vere
Fac gustare, fac videre,
Quam benigne, quam sincere
Scias tuos possidere.

34. Ave, digne tu colende,
Iesu dulcis, huc intende,
Scutum tuum apprehende
Et ab hoste me defende.

35. Ave, Iesu, parce natis,
Dona, pater, dona gratis,
Ut nos poti simus satis
De torrente voluptatis.

36. Ave, patris tu sophia,
Iesu, vitae dux et via,
Os iustorum tu es quia
Carnem sumens de Maria.

37. Ave, Iesu, dulcis mire,
Tu me velis custodire,
Ut non possim interire
A furore tuae irae.

38. Ave, Iesu, da, quod crescat
In me donum nec tepescat,
Amor tuus non lentescat
Sed cor meum coalescat.

39. Ave, Iesu, quem vocavi,
Quem cognovi, quem optavi,
Pro amore tuo suavi
Te exspectans expectavi.

40. Ave, Iesu, meque sana,
Qui per multa fluxi vana,
In me, quod est tortum, plana,
Ut albescam velut lana.

41. Ave, Iesu, corda sanans,
Tu vitalis rivus manans,
Cor te meum fiat amans,
A te satiari clamans.

42, Ave, Iesu, fulgens clare,
Me dignare te laudare,
Quem collaudant astra, mare,
Vultus mei salutare,

43, Ave, pro salute datus,
Prece matris suscitatus,
Surge, Iesu soporatus,
Ne nos mergat mundi flatus.

44. Ave, Iesu, verbum bonum,
Non quod transit post hunc

sonum,
Sed quod caeli regit thronum,
Pater ructat summum bonum.

45. Ave, Iesu, et adiutor
Esto meus atque tutor,
Si non ades, mox permutor,
Et peccati foedat putor.

46. Ave, Iesu, fac gaudentes
De te tuos praesumentes,
Cui plaudunt omnes gentes,
Te agnosce diligentes.

47. Ave, Iesu, rex sublimis
Et laudandus, magnus nimis,
Congregatos nos ab imis
Coaduna caeli primis.

48. Ave, tu qui semper vives,
Ne me fructu vitae prives,
Ubi, Iesu, tui cives
Simul pauper sunt et dives.

49. Ave, decus meritorum,
Fac ad sortem filiorum
Congregari me tuorum,
Iesu, Deus tu deorum.

50. Ave, Iesu, agne Dei,
Miserere, quaeso, mei,
Si quid quoque fero rei,
Tolle, robur nostrae spei.