HISPALEN. 13

impediat quominus actuales dictarum paroeciarum oeconomi et qui in posterum ad eiusmodi munus nominati erunt, in- silo officio permaneant, iuxta voluntatem nostram, cum omnibus facultatibus, quibus ex iure et consuetudine gaudent.

Inter illos qui periculum concursus pro paroecia S. Mi- chaelis subierunt, adfuit diaconus R. D. Salvator Castilla y Rodríguez, qui approbatus et cum duobus aliis propositus Gubernio, ab hoc selectus et nominatus fuit ; eique Ordina- rius contulit beneficium curatum vacans per obitum Domini Ioachimi Yuste, sui ultimi possessoris.

Immissus in possessionem Rev. Castilla omnia susdeque vertit. Renuit oeconomos et vicarium, uti independentes re- cognoscere ; se unicum parochum esse contendens, ceteros, ipsius coadiutores, omni parochiali destitutus iurisdictione. Eorum functiones impedire coepit, atque eo devenit, ut de- negaret partem illis debitam ex emolumentis, quae antiqua praxi et concordia pro rata portione distribuebantur.

Recurrentibus oeconomis, Emus Ordinarius semel atque iterum scripto monuit parochum Castilla, ut a perturbatione cessaret ; iura oeconomorum recognosceret ; disciplinam a sae- culo statutam et in edicto concursus confirmatam, servaret, usquedum nova ordinatio paroeciarum ad exitum perducta esset. At Reverendus Castilla obedire noluit, dictitans anti- canonicam esse Archidioecesis Hispalensis in hoc discipli- nam ; se defensorem sacrorum canonum, et nullius esse ro- boris Archiepiscopi decreta affirmans, se unicum esse paro- chum in ecclesia S. Michaelis, nullumque sua iura immi- nuere posse. Insuper scripsit Nuntio Apostolico et Regis Ministris, postulans ut solemniter declaratum esset ad eum pertinere ius privative ad omnia; sed responsum accepit, nihil esse innovandum donec nova fieret paroeciarum ordinatio.

Nihilominus R. Castilla in sua sententia stetit : monita Ordinarii sui spernere perrexit ; ita ut scandala et conten- tiones quotidie crescerent. Tunc Emus Archiepiscopus rem