LITTERAE APOSTOLICAE 13

errores strenue praeliantes cernere: et vobis, qui, memoriam praeteriti temporis repetentes, egregie factorum recordatione animos suaviter erigitis, ex quo uberiorum fructuum auspicia in posterum etiam capiatis. Itaque dum inter effusas laetitias Deo, omnium bonorum auctori, de agendarum gratiarum officio cogitatis, Nostri esse ducimus promeritae laudis praeconium tribuere : idque eo libentius, quo magis antea certi exploratique erant admirationis studiique sensus, quibus Leo XIII, Noster immortalis memoriae Decessor, in Coetum vestrum ferebatur: eo sollemnius, quo ex hoc Pontificii amoris testimonio, in labo- ribus pro Ecclesia subeundis non paratiores modo, sed etiam alacriores pergetis. Neque in tanta rerum vestrarum iucunditate dedeceat domesticam Ludovici Windthorst aliorumque clarorum virorum excitare memoriam ; quos patria et religio desiderant qui conventus vestros conspectu suo diu honestarunt, eosdem- que auctoritate sua sunt moderati. Neque secundum locum ob- tineat ipsum Leonis XIII inditum nomen, qui Sodalitium ve- strum nullo non tempore fovit et auxit: qui paternae benevo- lentiae suae, in germanam gentem iteratae saepius, monumen- tum praeclarum nuper reliquit, quum civitatis istius, in quam coibitis, Antistitem egregium amplissimo Patrum Cardinalium ordini pro meritis voluit cooptandum. Communi gaudio vero veluti cumulus omnium bonorum, quae enixe vobis precamur a Deo, Apostolica benedictio accedat, quam omnibus Coloniam conventuris effuso amoris animo atque in Domino impertimus.

Datum Romae, die XVII Augusti Anno MCMIII, Pontifica- tus Nostri anno I.

PIUS PP. X.

Dilecto Filio

C a r o l o C u s t o d i s

Praesidi Primo

Conventui catholicorum parando

Coloniam Agrippinam.