12.
Item de S. Katharina.

1. Novae laudis studio
Psallat haec societas
Remota tristitia,
Vacare tripudio
Velit cleri pietas
Cum cordis munditia.
2. Hac die, qua gloriam
Summam adipiscitur
Katharina nobilis,
Cujusque memoriam
Nunquam obliviscitur
Cursu mundi mobilis.
3. Haec est virgo regia,
Quae praeclaro genere
Costi regis oritur,
Moribus egregia
Sub aetatis tenerae
Flore martyr moritur.

4. Iniens martyrium
Fidei pro nomine.
Sprevit deos viliter,
Juxta posse virium
Certans pro te, Domine,
Devicit viriliter.

5. Vicit In palatio

Caesarem Maxentium,
Saeva plenum furia,
Magistrorum ratio
Perit arguentium
In regali curia.

6. Regina, Porphyrius

Credunt cum modestia
Virginis sermonibus.
Imperator durius
Frendit omni bestia,
Ursis et leonibus.

7. Caesar cepit varia
Virgini praetendere
Munerum pollicita,
Sed Christi vicaria
Nolens ea prendere
Culpavit Illicita.

8. Hinc membra virginea
Caeduntur verberibus,
Quia verbum praedicat,
Guttarjue sanguinea
Manans e vulneribus
Sacrum corpus dedicat.

9. Post plura pericula,
Quae virgo pacifice
Passa fore dicitur,
Detruncat ensicula
Collum, et mirifice
Sanguis lac effunditur.

10. Sepulturae creditur
Hinc manus angelico

Fecisse negotia,
Spiritus Ingreditur
Polum, turba coelica
Tali gaudet socia.

11. Sed jam adjutoria

Virginis amabilis,

Pro qua carmen facio,

Impetrent, ut gloria

Fruamur durabilis

In coeli palatio.