12.

1. Naturas Deus regulis

Certis adstringi statuit,
Et a praescriptis formulis
Nullo conatu potuit
Ultra naturam progredi
Vel per se citra regredi ;
Sed his ligari vinculis
Ipsorum auctor noluit,
Qui retrahit et tribuit
Naturis, quod vult, singulis ;
Sic ergo nostris saeculis
Mortalis nasci voluit,
Quod aeternus apparuit.

2. Carnem sumens ex virgine
Triplex pandit mysterium:
Mortalis est ex homine,
Quod clausum manet ostium,
Quando partus egreditur ;
Spiritalis ostenditur,
Quod sine patris semine,
Quod non habet initium,
Aeternum tenens solium ;
Sub divo sine tegmine
Non egens medicamine
Producit virgo filium,
Quia salus est omnium.

3. Pauper mundum ingreditur,
Qui rebus praeest omnibus,

Et abjectus egreditur

Potens prae terrae regibus,
Se ipsum exinaniens,
Suo patri obediens

Humiliter exsequitur,

Ut sic par sit humilibus,
Insinuans hominibus,

Quod porta coeli clauditur,

Inferius exponitur,
Superbe resistentibus,
Se extra se quaerentibus.

Quos ab Aegypti cophino
Deus potentialiter
Redemit et humiliter,

Pro servitutis termino

Benedicamus Domino.