14 HISPALEN.

commisit Vicario Generali, ut processu instituto, iudiciali- ter procederet. Hoc inchoato, nonnullisque probationibus acceptis, Vicarius opportunum duxit parochum ab officio suspendere. Tunc Rev. Castilla ad Archiepiscopum scriptum dedit promittens mandatis obedire ac nihil contra dioecesanam disciplinam acturum. Ideo ultro progressum non fuit. Sed statim promissionis oblitus ; iterum functiones oeconomorum praepedire voluit; ecclesiae ministros auctoritate Ordinarii constitutos propria auctoritate arcere, ceteraque peragere quae illius contumaciam et rebellionem manifestam reddebant.

Itaque ad tribunal iterum delata fuit quaestio. A Vicario generali accitus parochus, non posse venire asseruit, eo quod infirma detineretur valetudine. Hinc Archipresbyter delegatus fuit ad suscipiendam declarationem R. Castilla, quam facere pro viribus detrectavit. Super his audito Promotore Fiscali, Vicarius Generalis parochum ab officio et beneficio suspen- dit ad cautelam, mandans ut interim emolumenta parochia- lia in deposito manerent, donec quaestio finita esset. Ad tri- bunal Rotae de suspensione appellavit Castilla ; quam appel- lationem Vicarius tantum ad effectum devolutivum admisit, quia nullum irreparabile praeiudicium suspensio ad cautelam afferebat, et omnia parochialia emolumenta in deposito re- tinenda, ut salva illi essent, statutum fuerat. Tribunal ta- men Rotae, sententia diei 14 Iulii 1893 admisit appellationem ad utrumque effectum, tam suspensivum quam devolutivum, et iniunxit Vicario generali, ut acta transmitteret. Quod Vi- carius sine mora executus est ; sed adhuc sententia super cau- sa principali prolata non fuit.

Interim Rev. Castilla, absque Ordinarii licentia Matri- tum se contulit, atque ab auctoritate civili decretum obti- nuit, in quo declaratur, unum dumtaxat esse parochum in omnibus Hispaniae ecclesiis ac proinde in illa S. Michaelis Xeresii, ceterosque coadiutores esse ab illo dependentes. Ad propria reversus, hac declaratione fretus, unicum se paro- chum tenacius voluit recognosci,.. et sacrarii ministro, qui viceparochis seu oeconomis et Vicario, ut semper obtempe-