LIBER TOBIAE.

Tobias ex tribu et civitate Nephthali .

Commendatur in beatissima Virgine Maria post Deum largitas summa. Tobiae, IV, 8 et 9 : Quomodo potueris, ita esto misericors, omnibus misericordiam te implorantibus praestando. Si multum tibi fuerit, quia gratia es plena , Domina coeli et terrae, abundanter tribue, sicut decet dare Reginam omnium creaturarum : si exiguum tibi fuerit, etiam exiguum libenter impertiri stude. g lossa : " Voluntas a Deo pensatur, non dati quantitas. "

Item, Commendatur in ipsa post Deum humilitas summa. Tobiae, IV, 14 : Superbiam numquam in tuo sensu. G lossa : id est, in mente, aut in tuo verbo. G lossa : necdum facto: dominari permittas. G los- sa : Si quando sit, tamen non regnet. Ipsa enim numquam motum superbiae habuit, sed post Deum excellentissime humilis fuit.

Item, In ipsa commendatur post Deum facilitas praecipue in servitiorum sibi impensorum festinantissima, et su-

perabundantissima retributione. Tobiae, IV, 15 : Quicumque tibi aliquid operatus fuerit, o Maria, sive justus, sive peccator, ad laudem, et honorem tuum, ac Filii tui, statim ei mercedem restitue, regaliter quia regina es : abundanter, quia ditissima es : utiliter, quia fidelissima est : et merces mercenarii tui apud te non remaneat.