AnHym Author, Analecta Hymnica – XLV A Historiae Rhythmicae
⎗←⎅→⎘
All
Text
English
Original
TOC
TOC + English
TOC + Original
9. De beata Maria V in Inventione Reliquiarum Baiocensium.
12. De s. Antonino Apamaeensi.
20. De sancto Dionysio et sociis.
27. In Translatione s. Evartii.
33. In Translatione s. Gengulphi.
38. De sancto Germano Antissiodorensi:
39. In Translatione s. Gertrudis Xivellensis.
40. In Consecratione s, Gertrudis.
41. De s. Guilelmo Vercellensi.
43. De ss. Helaro et Tatiano et Sociis.
44. In Memoria ss. Hermelanui et Baldi.
46. De s. Iohanne Evangelista.
47. De s. Iohanne Evangelista.
48. De ss. Iohanne et Marciano.
56. De s. Laurentio Sipontino.
57, De s. Leonardo Lemovicensi.
58. De ss. Liberata et Faustina.
60. De s. Lucia de Monte Virginis.
61. De s. Marcellino Ebredunensi.
65. In Translatione s. Nicolai.
68. In Inventione s. Quintini.
70. De Reliquiis Ecclesiae s. Framfoaldi Silvanectensis.
78. De s. Valeria Lemovicensi.
82. Missa Ambrosiana. Praefatio.
In 1. Vesperis.
Ad Magnificat.
A. Rosa rubens
et candens lilium
In beata
refulgent Aurea,
Dum insigne
virgo martyrium
Celebravit
in carne nivea.
Ad Matutinum.
Invitatorium.
Ad decus Domini,
Prolis virgineae.
Laus nostra virgini
Serviat Aureae.
In 1. Nocturno.
Responsorium.
3. Tibi. Christo,
dulce solacium,
Qui me clausam
per caeli nuntium
Ad aeternum
invitas gaudium
Exsolvo gratias.
V. Tu lux mihi
splendens irradias,
Tu ieiunam
te ipso salias.
In 2. Nocturno.
Responsorium.
3. Nullum pavens
virgo supplicium.
Torta torquet
Aurea Claudium,
Vincta demum
subit exsilium
Tendens ad patriam.
V. Exsul ergo
fertur in Ostiam,
Ubi Christo
se fecit hostiam.
In 3. Nocturno.
Responsorium.
3. Vanas spernens
virgo delicias
Et suscipi
ad agni nuptias
Praeparata
per poenas varias
Intrat in gloriam:
V. Ad beati
sponsi praesentiam
Transit sponsa
per aquam nimiam.
In Laudibus.
Antipuonae.
1. A Roma missam Ostia
Sanctam suscepit Auream,
Remisit cum victoria
Ad patriam sideream.
2. Cum sanctis Christi famulis
Instabat piis actibus,
Agonem suum sedulis
Christo commendans preci-
bus.
3. Tormenta, plagas, vincula,
Dum forti fide tolerat,
Invicta Christi famula
Ministros Satan superat.
4. Post multiplex martyrium
In mare virgo mergitur,
Aeternae vitae bravium
Sic moriens assequitur.
5. Iam coetibus angelicis
Et choris iuncta virginum
Novis exsultat canticis
Laudans in caelo Dominum.
Ad Benedictus.
A. Ex regali
procedens linea
Regnum mundi
contempsit Aurea.
Sed ad regna
scandens siderea
Coronatur
fulgenti laurea.
In 2. Vesperis.
Ad Magnificat.
A. Christi sponsa
nobilis, Aurea,
Per quam fulget
in terris Ostia,
Domo nobis
eductis lutea
Per te caeli
pateant ostia.
Per Hebdomadam.
Ad Benedictus.
A. Pretiosis
Aureae precibus
Insistentes
ipsius laudibus
Tuis, Christe.
dita muneribus.
Ad Magnificat.
A. Ad honorem
virginis Aureae
Diem festum
celebret Ostia,
Quae iam compos
lucis empyreae,
Hanc illustrat
celebri gloria.