14. De beata Maria V.

In 1. Vesperis.
Antiphonae.

1. Me dignare te laudare,
Virgo sacratissima,
Cui praeclare psallunt mare,
Tellus et altissima,
O Maria.
2. Da virtutem, da salutem
Contra mortis stimulos,
Ut non nutem, sed confutem
Pravos tuos aemulos,
O Maria.
3. Genitrici Dei dici

Laudem laus est illius,
Qui humanatus est dignatus
Esse tuus filius,
O Maria.

4. Virgo, gaude, omni laude
Felix et dignissima,
Fac nos laetos tecum fretos
Vita beatissima,
O Maria.

5. Ubi semper gaudes inter
Angelorum agmina,
Haec sincere fac placere
Deo nostra carmina,
O Maria.
R. Sol innocenti lumine

Per vitrum vibrat radium,
Sic te illustrans numine

Non laesit factor omnium,
Cum nascens ex te virgine
Non sprevit tuum gremium ;
V. Felix, quae Christi
mater fieri meruisti.

Ad Magnificat.

A. Salve, virgo, quam mystice
Virgam stirpis Davidicae

Vocavit prophetia,
Tu nos benigna respice,
Tu Jesum nobis effice

Benignum, o Maria,

Ad Matutinum.
Imvitatorium.

In psalmis et jubilo
Exsultemus sedulo,

Virginis sit filio

Laus coelorum domino.

In 1. Nocturno.
Antiphonae.

1. Salve, rosa, quae non habes
Spinam, nec peccati labes

Ulla tibi nocuit,
Inde vernans sine fine
Decor omnis disciplinae
Decenter emicuit,
O Maria.
2. Non condigne te mirari
Et laudando venerari

Valet omne saeculum,
Nam benignae caritatis
Et perfectae bonitatis
Tu es orbi speculum,
O Maria.
3. Sola digna dono tali,
Quod in tuo virginali

Ventre parvus jacuit,
Christus quia in te sibi
Melius, quam possit scribi
Vel dici, complacuit,
O Maria.

Responsoria.

1. Maria, domi parvula,
Intus in cordis arula
Conscendisti ut virgula
Fumi ex aromatibus,

Vovens aetate primula,
Quod esses Dei famula,
O angelorum aemula
Virtutum carismatibus,
V. Exemplum vitae

sanctae das omnibus rite.

2. Ardore sancti spiritus
Inflammata divinitus
Es concremata penitus

In holocaustum Domini,
Sic praeparata primitus,
Ut solemnis et inclitus
Esset in te accubitus

Regi Deo et homini,
V. Inde supra morem

nardus dare coepit odorem.
3. Auctore, cui te voveras,
Ad illas sedes superas
Ingressum nobis praeparas,

Porta beatitudinis,
Illuc tecum nos inferas,
Ubi nunc solem superas,
Immo coelis jam imperas,

Regina pulchritudinis ;
V. Quae caueris laude

celebri per saecula, gaude.

In 2. Nocturno.
Antiphonae.
1. Stella Jacob prophetata
Et Maria nuncupata
Es vero praesagio,
Coeli decus mundo lucens,
Salva, serva nos educens
De mundi naufragio,
O Maria.
2. Maris stella, te rogamus,
Qui sub nocte navigamus

In procella saeculi,
Portum, ad quem suspiramus,
Da ope, in quem speramus,
Tui quondam parvuli,
O Maria.

3. Ut te simus intuentes,
Piam nobis te praesentes
Mortis sub articulo,

Ut de carne hac soluti
Te sequamur, tecum tuti
Ab omni periculo.

Responsoria.

1. Ave, virgo singularis,
De superno visitaris,
Digna digne salutaris

Ore archangelico,
Jam beata praedicaris
Et prae cunctis honorans,
Quae in matrem consecratis

Dei patris unico,
V. Omnis virtutis

paradisus et aula salutis.

2. Cum de partu convenitis,
Modum quaerens expediris,
Deo credens insigniris

Arrha data coelitus;
Exornata modis miris
Sponsa sponso mox potinis,
Gaudens multo, quo fulciris,

Dono sancti spiritus;
V. Auro vestiris

intus varioque amiciris.

3. Templum in te ordinatur,
In quo verbum incarnatur,
Ad quod supplex inclinatur

Tota coeli curia,
Quae cum tibi collaetatur,
Te frequentans nuntiatur
Pax in teriis et cantatur

In excelsis glorias
V. Astra, solum, maria

plaudunt tibi, virgo Maria.

In 3. Nocturno.
Antiphonae.

1. Cantent tibi, o Maria,
Hymnum novum, mater pia,

Et omnes et singuli,
Est a Deo nobis datus
De te ille puer natus,
Quem adorant angeli,
O Maria.

2. Ex te factus nos redemit
Factor mundi, quando venit

Plenitudo temporis,
Summis Deus ima junxit,
Cum servilem ex te sumpsit
Formam nostri corporis,
O Maria.

3. Adsis clemens nobis, qui te
Veneramur et de vitae

Praesentis exsilio
Nos eductos tu dignare,
Interventrix, praesentare
Christo, tuo filio,
O Maria.

Responsoria.

1. Salve, regina nobilis,
Salve, mitis et humilis,
Salve, cui nulla similis

In cunctis mulieribus,
Virtulum laude praemines,
Quae sola virgo mater es,
Et Deum inter homines

Lactas sacris uberibus ;
V. Omnia pascentem

tu pascis et omnipotentem.

2. Laeta mater amplecteris
Parvum, qui rex est aetheris,
Et ex te nati teneris

Labellulis dans oscula;
Ipso praedulci frueris,
Ut matres laetis pueris,
Agnosce, cui praehueris

Ulnas, sinum, cunabula ;
V. Deliciis es facta tuis,

speciosa, suavis.

3. Salve, aurora rutilans,
Coelum, terram illuminans,
Quae consurgens de tenebris
Super astra progrederis,
Lumen aeternum bajulans,
Orbi terrae jam dominans
Et coelis facta celebris,
Quae quidvis posse crederis.

V. Spes desperatis

ut sis, pia fons bonitatis,
Praestat ad omne tuum
se tibi velle pium.

In Laudibus.
Antiphonau.
1. Felix te partus edidit,

Per quam mundo se reddidit
Vita, qui cuncta condidit,
Tibi matri se subdidit,
O Maria.

2. Summa vitae nobilitas
Fecit, hoc est humilitas,
Et divina benignitas,
Quod tanta tibi dignitas,
O Maria.

3. Laudes et grates debitas,
Quas nostra pangit parvitas,
Tuo nato fac placitas,
Cum quo in coelis habitas,
O Maria.

4. In te, quam benedicimus,
Christo laudem perficimus,
Per quem dare, quae poscimus,
Te posse recognoscimus,
O Maria.

5. Creans cuncta divinitus
Est carne de te genitus,
In spem et laetos exitus
Commutans nostros gemitus,
Tam de terra quam coelitus
Hunc laudet omnis spiritus,
O Maria.

Ad Benedictus.

A. Te virga nuce gravida

Signat, quae prius aruit,
In qua ex Adam tabida
Caro nostra refloruit,
Christo surgente vivida

Scandens coelos apparuit,
Nunc super solem splendida
Jam toti mundo claruit,
O Maria.

In 2. Vesperis.
Ad Magnificat.
A. Mater Dei et hominis,
Ut nos, qui tui nominis
Hic agimus memoriam,
Ad sempiternam gloriam
Post hujus vitae terminum
Perducat, ora Dominum,
Tunc nobis tuis famulis
Detur cum sanctis angelis
Et tecum tui filii
Dulci adspectu perfrui.
O Maria.

Alia Antipbona.
Imber coeli te compluit,
Supernus ros te imbuit,
Summa virtus excoluit,

Et protulisti florem,
Per quem homo, qui cori uit,
Recepit ac reinrluit
Splendidius, quam habuit.

Virtutem et decorem,
O Maria.

Responsoria.
1. Fons, unde salus profluit,
Quae mundi scelus abluit,
Qua Deus in se tribuit
Spem vitae peccatori,
Interpellet, quem genuit,
Qui propter nos non renuit
Pati, tandem sustinuit
Pendens in cruce mori,
V. Inclita coelorum

regina, patrona reorum.
2. Maria, stella splendida,

Per quam mundo innotuit,
Lux vera plena gaudio,
Lux nescia crepusculi,
Tamquam in nube candida
In tua carne latuit
Procul omni contagio
Conceptus auctor sac-
culi,
V. Inde novo partu

quasi sol prodivit in ortu.