Sermo XII .

Item, sermo fratris Bonaventurae factus Lugduni in choro maioris ecclesiae coram clericis et canonicis Lugduni in eadem ecclesia.

Erunt signa in sole et luna et stellis, Lucae vigesimo primo .

Cum in Ecclesia militante videantur quidam esse iustitiae eminentis, ut sint sicut sol ; quidam iustitiae crescentis, ut sint sicut luna; quidam iustitiae sufficientis, ut sint sicut stellae; o stenditur nobis his verbis spiritualiter intellectis primo multorum talium, qualis fuit in antiquis et qualis debet esse in modernis, status vitae et excrescentia, et hoc in claritate lumi narium . Secundo, in fine temporum, qui iam incepit, ostenditur multorum talium ign ominiosa nequitia, et hoc in obscuratione ipsorum per subtractionem bonorum operum et sacrorum exemplorum futurorum et aliquorum iam existentium. Primum tangitur ibi: in sole et luna et stellis; secundum innuitur, cum dicitur, quod in eis erunt signa, obscurationis eorum.

I. Notandum ergo, quod superiores praelati vel viri iustitiae eminentis comparantur soli propter sublimitatem positionis in virtutum culmine. Unde ipsi debent esse in Ecclesia sicut sol oriens mundo in altissimis Dei, iuxta illud Ecclesiastici vigesimo sexto .

Propter nobilitatem oppositionis in doctrina s acumine. Ipsi enim debent esse sicut sol tripliciter exurens montes; id est omnes tempestates et haereses, Ecclesiastici quadragesimo tertio .

Propter nobilitatem directionis in curae regimine et sui ipsius revisione; Ecclesiastici quadragesimo secundo : Sol illuminans per omnia respexit, et gloria Domini plenum est opus eius; Ecclesiastae primo : Oritur sol et occidit et ad locum suum revertitur; tertii Esdrae quarto : Velox cursus solis convertit in gyro caelum in locum suum in una die.

Comparantur vero inferiores praelati sive clerici et doctores lunae, quia sicut luna sunt mensuratores temporis et varietatis indicium per universalem discretionem et providentiam secundum illud Ecclesiastici quadragesimo tertio : Luna in omnibus in tempore suo ostensio temporis et signum aevi.

Dominatores maris et humiditatis dominium non per auctoritatis jurisdictionem et familiarum sive subditorum reformationem et conciliationem iuxta illud Psalmi : Thronus eius sicut sol in conspectu meo et sicut luna perfecta in aeternum.

Ministratores roris et serenitatis praesagium per beneficiorum subventionem et consolationum spiritualium subministrationem viscerosam, iuxta illud quod dicitur Ecclesiastici quadragesimo tertio : A luna signum diei festi.

Comparantur tandem Religiosi sive alii inferiores stellis propter claritatem luminum sapientiae; Baruch tertio : Stellae dederunt lumen i n custodiis suis.

Propter firmitatem habituum iustitiae; Danielis duodecimo: Quasi stellae in perpetuas aeternitates.

Propter exemplorum vitae formositatem; Ecclesiastici quadragesimo tertio : Species caeli, id est Ecclesiae, gloria stellarum, id est honor et decus vitae, exemplorum amor .

II. Sed proh dolori in fine temporum, qui coepit iam, in aliquibus pro peccatis nostris sunt et erunt maxime signa in sole et luna et in omnibus stellis et in omnibus gradibus Ecclesiae supra dictis Patiuntur enim et maxime patientur, secundum Domini sententiam, ad instar luminarium caeli consueti itineris i nordinatio nem per negligentiam nimiam; Apocalypsis octavo : Et percussa est tertia pars solis et tertia pars lunae et tertia pars stellarum, ita ut obscuraretur tertia pars eorum.

Maculae infusionem per licentiam abusivam; Ezechielis trigesimo secundo : Et nigrescere faciam stell as eius , solem nube tegam, et luna non d abit lumen suum. Omnia luminaria caeli moerere faciam super te et dabo tenebrae super terram tuam, dicit Dominus Deus.

Sanguinis infusionem per iniustitiam excessivam; Apocalypsis sexto : Sol factus est niger tanquam saccus cilicinus, et luna tota facta est sicut sanguis, et stel lae de caelo ceciderunt super terram, sicut ficus emittit grossos suos cum a vento magno movetur.