13. De sancta Cruce.

1 a. Laudes crucis attollamus
Nos, qui Christo militamus,
Nos, qui crucis exsultamus
Speciali gloria.

1b. Haec est scala peccatorum,
Perquam Christus, rex caelorum,
Morte dolens perditorum
Ad se traxit omnia.

2 a. Signum crucis adoremus,
Crucifixo iubilemus,
Adfixi cruci portemus
Crucis improperium.

2 b. Sursum mentes erigamus,
Vitam, mores componamus ;
Sic per crucem reportamus
Vitam et imperium.

3 a. Ave, crucis dulce lignum,
Ave, cantu dulci dignum,
Tu salubre nobis signum
Et angelis gloria.

3 b. Liberati Christi cruce

Sic curramus Christo duce,
Ut det in perenni luce
Nobis vitae gaudia.