14.

1, Gratuletur populus
Pro salute populi,
Quam designat baculus

Noster, signans baculi
Aaron mysterium.

Non caret mysterio,
Quod virga tam arida
In loco tam arido

Florem, fructum edidit ;
Sic virgo fit gravida,
Sed non ventre gravido
Virginalis perdidit
Floris beneficium
Fructus beneficio.

2. Illaesa virginitas

Fuit matris virginis,
Quam nulla cupiditas

Elusit cupidinis ;
Et ut a similibus

Perpendas similia,
Flos prodit ex arbore
Sine damno arboris,
Flos fructus efficitur,
Virginis ex corpore
Sine damno corporis
Sic verus flos nascitur
Christus, pro mortalibus
Induens mortalia.

3. Hic flos nunquam deficit,
Fructus indeficiens,
Panis, qui nos reficit,

Angelos reficiens,
Formam flos in virgine

Clauso claustro virginis
Humano pro genere
Nostri forma generis
Nos reformans induit,
Per quam suo vulnere
Cicatricem vulneris
Antiqui eripuit,
Moriens pro homine
Culpam tulit hominis.

4. Christi mors et passio,

Quam pro nobis patitur,
Mortis est destructio,

Qua noster destruitur
Fortis adversarius

Per haec adversantia,
Morte vita redditur
Et nos luci reddimur
Sedentes in tenebris,
Umbra mortis tollitur,
A morte dum tollimur
Primae culpae funebris,
Quam contraxit praevius
Adam Eva praevia.