15. De beata Maria V.

In 1. Vesperis.
Autiplionae.

1. Ave, mater, virgo pura,
Cujus mens ad carnis jura
Nulla se impegit cura.

2. Laus sit tuae pietati,
Per quam primae caritati
Reddimur configurati.

3. Ave, virgo consecrata,
Verbo patris confirmata
Super Seraphim locata.

4. Sicut hiems servat laurum
Et ut limus reddit aurum,
Sic coelestem fert thesaurum.

5. Incarnata deitas

Psallat in Maria,
Virginis fecunditas
Plaudat symphonia.

E. Praebe, mater, filio

Pectoris mamillas,
Vultu nos propitio

Cernat ut per illas ;
V. Vulnera pande patri,

Jesu pie, consona matri.

Ad Magnificat.

A. Salve, germen gloriae,

Nobilis Maria,

Salve, vena veniae,

Dulcis theoria ;

Salve, florens vinea,

Vitis speciosa,
Salve, regum linea,

Reginarum rosa;
Salve, quam absorbuit

Impetus doloris,
Quo in cruce stupuit

Vita redemptoris.
Crucis hoc intuitu

Salva nos gementes
Et contrito spiritu

Tibi servientes.

Ad Matutinum.

Imitatorium.

In honore virginis
Christum adoremus

Et nutricem luminis
Psalmis jubilemus.

In 1. Nocturno.
Antiphonae.

1. Angeloram dominus

Matris implens pectus
Angelis paulo minus
Minor est effectus.

2. Ponens tabernaculum
In splendore solis
Expiat piaculum
Adaminae prolis.

3. Princeps pacis atrium
Virginalis claustri
Soli Deo pervium
Flatu perflat austri.

Responsoria.
1. Ab aeteino virginem
Conditor creavit,
In qua totum hominem
Sabbato curavit.
V. Trinae machinae

deitas et origo Mariae.
2. Lumen sine pondere
Coelitus gerebat,
Tali felix onere
Genitrix plaudebat;
V. Clara figura patris

replet intus viscera matris.
3. Firmamentum solida
Continet fluenta,
Sic in matre fulgida
Latent sacramenta,
V. Extendens velum

clauditsub aenigmate caelum.

In 2. Nocturno.
Antiphonae.
1. Hominum prae filiis
Specialis formae,
Matris haeret labiis
Dux regalis normae.
2. Sacri ventris medium
Deus irroravit
Et per puerperium
Cor sanctificavit.

3. Felix habitatio,
Civitas fidelis
Cujus beneficio
Pascitur in caelis.

Responsoria.
1. Sub olivae folio,

Quod columba defert,
De coelesti solio

Pacem veram praefert,
V. Virgo parens diva

viridi pubescit oliva.

2. Solitudo germinat

Saeculis fi umentum,
Virgo luctum terminat
Vitae dans crementum,

V. Qui cibus est caeli

populo datur esca fideli.

3. Manna fert dulcedinis

Arca testamenti,
Mater vas pinguedinis,

Virtus est pigmenti,
V. Floris virga parens

sic vernat primitus arens.

In 3. N octurno.
Antiphonae.

1. Dignitas ecclesiae
Claret in Maria,
Quam de throno gloriae
Visitat sophia.

2. Pura coeli species

Decus est stellarum,
Sic Mariae facies
Lux est animarum.

3. Salutare gentium
Dominus revelat,
Intra matris gremium
Carne sese velat.

Responsoria.

1. Septem uno calamo

Pullulant aristae,
Virginali thalamo

Tropus ludit iste,
V. Septupla spica sacro

pinguescit Iota lavacro.

2. Gaudens privilegio,

Virgo singularis,
In communi filio

Deo sociaris,
V. Patris es nurus,

pro nobis sis, pia, murus.

3. Regia progenies

Illustrata sole,
Leva lapsos septies

Nos eum sacra prole,
V. Posce piis dona

regni mediante corona.

In Laudibus.
Antiphonae.

1. Laudis et laetitiae
Pallio vestitur
Fons misericordiae,
Sceptro redimitur.

2. Atria fidelium,
Jubilate Deo,
Praesumentes gaudium
Hic in jubilaeo.

3. Nomen ut audivimus
Summi patris nati,
Sic per matrem vivimus
Gratia fundati.

4. Ejus benedictio

Super nos firmetur,
Qui de matris gremio
Maestis miseretur.

5. Laudet omnis spiritus
Genitricem Dei,
Per quam cedit gemitus,
Crescit vigor spei.

Ad Benedictus.

A. Ave, sidus saeculi,
Titulus salutis,
Spes et amor populi,
Speculum virtutis,

Fortes nexos contere

Durae servitutis,
Qui nos ligant temere

Captos a versutis,
Compedes exsilii

Rumpens nos tuere,
Vultui nos filii

Satagens parere.

Ad Primam.

A. Gaude, Sion filia,
Vitae disciplina,
Matrum vincens milia
Dote serapbnia.

In 2. Vesperis.

R. Virginalis thalamus

Angelis ornatur,
Matris alvo calamus

Coeli reclinatur,
V. Per Gabrielis Ave

fit onus sine pondere suave.

Ad Magnificat.

A. Septiformis muneris

Per infusionem
Alvus tumet virginis,

Trinam unionem
Ubi carni spiritus

Miscens in secreto
Uteri, divinitus

Parit usu spreto,
Sub servuli specie

Foeno jumentorum
Regem celans gloriae,

Lumen angelorum.