16 ROMANA

occidit exinanita, et sacri ministri cum optimo Del-Bufalo in li- bertatem reversi sunt.

Post suum in patriam reditum Societati Iesu nomen dare sibi proposuerat, cum Pii Pontificis VII iussu ad evangelium praedicandum proficisci cogitur. Perhumiliter Servus Dei, at li- benter tantum onus suscipiens, tanta fortitudine, alacritate et constantia pertulit, ut prius animum, quam id deposuerit.

Erant autem in disertissimo ac sanctissimo viro eae ingenii virtutisque dotes, ut nil supra ad sacrum effingendum oratorem desiderari posset. Namque et consilio sapiens, et prudentia dexter, et fiducia in divinam opem, ac seraphica caritate pol- lens, et in scientia rerum divinarum maxime versatus, omnia haec cum uberi, culta, vehementi sermonis copia coniungebat, tum gestus orisque dignitate exornabat, deque animis audito- rum affectuum motu percitis, et quasi in caelum sublatis, trium- phabat.

Apostolico ergo muneri ita penitus adhaesit, adeoque eximio erga nostri Redemptoris mysteria fervore efferebatur, ut Con- gregationem missionariorum a pretiosissimo Iesu sanguine nun- cupatam instituere decreverit. Cui proposito a S. Sede appro- bato, cum opes et modus deesset, nihil diffidit, aut animis pe- pendit, sed divina spe fretus, oculos, et manus in coelum su- stulit, unde optatum sibi descenderet auxilium. Nec sua eum fiducia fefellit. Etenim spectatissimi Viri, quos inter eminentis- simus Cristaldi, piique benefactores tantum eleemosynarum contulere, tantaque sedulitate operam impendere suam, ut par- vum redditum ad institutum promovendum efficerent.

Atque hic eximius Dei favor laboribus et pietati sui famuli prospiciens, mirifice eluxit. Nam exiguus sacerdotum coetus sub ductu nostri Del-Bufalo sancta societate coniunctos, sine di- vitiis, sine opibus ullis, calumniis saepe, et insectationibus, ut bonam succrescentem messem invidentia internecare anhelabat, oppetitus, eo crevit, in diemque magis nunc crescit.

Protinus ergo floruit roboravitque se Institutum, ac tresde- cim domos in pluribus pontificiae ditionis provinciis aperuit; et in illis potissimum quae Campaniam colunt, aut maris littora tangunt : cum enim eas gentes, natura ipsa loci et effera inge- nia latrocinan, et inhoneste degere docuerit, ipse Maximus Pon- tifex Pius VII missionarios Del-Bufalo duce, suas illic sedes fi- gere iussit, ut eorumdem populorum labes abstergerent, ac re-