15. In s. Johannis Evangelistae.

1. Agite omnes diem sacratissimum,
Diem praeclarum, diem celeberrimum,
Diem Johannis, diem natalitium
Evaugelistae, diem apostolicum,
In quo e mundo migravit ad Dominum.

2. Hic est, quem Christus ultra omnes socios
Magis dilexit, electus discipulus,
Coeli secreta patefecit largius
Ardua, nimis abdita mortalibus
Hujus praeclaris revelat obtutibus.

3. Hic supra pectus recumbebat Domini,
Perscrutans alta libri evangelici,
Aquilae more volans astra petiit,
Instantis cernens et futura saeculi,
Videns et scribens sensum evangelii.

4. Hic inter plura, quae gessit, miracula
Ligneas virgas congessit in aureas,
Lapides duros in gemmas pulcberrimas
Christi virtute Christique potentia,
Cujus ad nutum patrabat prodigia.

5. Ac Dnisianam jam in morte gelidam
Resuscitavit ad vitae confinia,
Non quasi morte sed sopore gravidam,
Precibus fusis seu verbis imperat,
Firmo incessu reverti ad propria.

6. Stacteum post haec juvenem exanimem
Potenter vitae suscitat ad tramitem,
Attico iste satis et Eugenio
Narrat horrenda, quae vidit, in saeculo,
Salutis illos statuens in gaudio.

7. Hausto veneno perstitit immobilis,
Danti venenum dona vitae contulit,
Aristodemum, perfidum pontificem,
Suae protexit indumento tunicae,
Jussit, ut ea mortuos resuscitet.

8. Tunc baptizavit ipsum Aristodemum,
Baptismo lavit consulem pontificum
Omnesque horum parentes et populum,
Hi namque fractis simulacris omnibus
Construunt templum Johannis vocabulo.

9. Huic salvator sanctis cum discipulis
Fulgenti vultu radiis apparuit:
Laborum fructus percepturus speciem
Post diem quintum ad me, inquit, venies,
Lucis aeternae consequeris requiem.
10. Juxta altare dehinc fodi foveam
Jussit quaternis angulis dispositam,
In quam descendit palmas sursum elevans
Precatus laudes fudit diutissimas,
Coelitus illum lux lustrat clarissima,
11. Postea vero inventa est fovea
Manna repleta virtute angelica,
Quod locus ipse gignit usque hodie,
Ibique fiunt virtutes innumerae
Ad laudem Dei magnae et mirabiles.

12. Gloriam patri resonemus jugiter

Et Christo Jesu, laudem usque pariter
Una cum sancto spiritu perenniter;
Trinitas simplex inseparabiliter
Nunc est et erit semper indeficiens.