14. In Inventione s. Crucis.

1. Agedum,

2 a. Electus populus et

gens sancta, frequentate
carmina nova:

2 b. Innovantur omnia,
cedunt novis vetera ;
Deo gratias.

3 a. Agni quippe epulas,
quae primos straverunt
in paradiso
tellurigenas,

3 b. Signo crucis reparat
omnipotentia
Christi Domini
atque pietas.

4 a. O crux, omni
laude digna !
O crux, cuncto
bono donata!
O crux, caelo
sublimanda !

4b. Lignum vitae,
arbor sancta,
Frondes tuae
sine corruptela,
Fructus tuus
salus vera.

5 a. Sacrae frontis
insigne et nota,
qua discernuntur
regis agmina,

5 b. Christiauae

mentis [et] animae
qua conservantur
bona omnia.

6 a. Iesu bone,

te libenter laudat

Vox et simul coniubilat,

Qui dedisti crucem tuam

6 b. In tutelam

nostram sempiternam
Et salutem et gratiam ;
Crucem quoque veneramur

7 a. Tuam sanctam

simul atque salutiferam.

7 b. Conserva nos,

salvator, benigne per ipsam.

8. Qui vivis et regnas
in patris et spiritus
sancti gratia.