16. In s. Johannis Evangelistae.

1. Ecce, Johannis, Domini dilecti,
Festa praeclara rutilant in orbe,
Cuncti fideles veneremur apte
Christum laudantes.
2. Quem hic secutus pectore flagranti
Spreto carnali genitore natus
Arte simulque retium vel usu
Obliterato.
3. llaec non exosum lubrica cogentem
Ratus complexum conjugis ut hostem
Tempsit ac illi puriter adhaesit
Virgo perennis.
4. Unde prae cunctis numinis superni
Hauriens alta pectore sagaci
Mystica rite intonat beatus
Evangelista.
5. Exsul ob sui causam vim cogentem
Domitiani Caesaris profani,
Celsa secreta cernit in eodem
Divinitatis.
6. Apostolorum maximus indemnis
Ducitur inde gratia superna
Coetibus plebis populosae magna
Gaudia reddens.
7. Virus nam hausto pristini vigoris
Nil tulit triste, potioris immo
Sisti deinceps visibus tuentum
Contuebatur.

8. Insuper leti legibus subactas
Animas reddit venerandus idem
Vestis contactu propriae veneno
Functis eodem.

9. Lucis minister aquila sublimis
Liquide jubar conspicatur saecli
Ultra creata transvolando scandens
Munere Cbristi.

10. Vitae fluenta paradisi fonte

Hausit ac mundum praedicando rigat,
Arida quibus pectora virescant
Fructu perenni.

11. Tuba vehemens territat vecordes,

Cum verbum patris semper Christum esse
Mire profatur, Deum apud Deum
Et Deum verbum.

12. A quo procitus compos est effectus,
Coetui fratrum additus est sanctus
In aula poli, dudum ut optavit
Ipse Johannes.

13. Ubi cum Christo sine fine gaudet,

Pro quo contempsit gaudere cum mundo,
Cujus et testis verax ipse manet
In sempiternum.

14. Hinc ad te nostras preces atque vota
Vertimus, sancte suscipe Johannes,
Evangelista Domini benigne,
Noxas delendo.

15. Ut tuis quondam precibus adjuti
Hostibus quoque omnibus devictis
Vitae perennis mereamur esse
Simul haeredes.

16. Praestet hoc nobis deitas beata
Patris ac nati pariterque sancti
Spiritus, cujus reboat per omnem
Gloria mundum.