16. Oratio ad sanctum Spiritum Paraclitum.

1. Consolator miserorum,
solamen maerentium,

Lux piorum, spes reorum
unctioque mentium,

Creatoris hominumque
amor atque vinculum,

2. Boni fons, doctrinae fomes,

veritatis spiritus,
Hostiles frangens conatus,

dextrae Dei digitus
Et dolore desperati

animi paraclitus,

3. Tu patris promissum atque
septiformis gratia,

Verbo, linguis et sermone
puro ditans guttura

Et divino urens igne
paenitentum crimina,

4. Quamvis subditum peccatis
corpus suetus fugere,

Veni tamen et obscoena
pecco torum decoque ;

Veni, bone, veni, pie,
veni, potentissime.

5. Tu purgare, quaeque voles,
aspirando praevales,

Tu bruta stultaque corda
sic mutare assoles

Ut indoctos eruditis
protinus aequipares.

6. Ergo meam caecam mentem,
doctor alme, visita

Putridumque in peccati
luto corpus suscita

Et utrumque ad amorem
Christi tui subleva.