15. Dominia 1. Quadragesimam

1. Salve, dux jejunii,

Jesu eremita,
Reddo pensum munii,

Veritas et vita;
Panibus angelicis
Cum favis me coelicis

Pavisti gratanter,
Jam ad montem Sinai
Et Horeb, Adonai,

Deducas amanter.

2. Salve, pugil inclite,

Perpes triumphator,
Perfers ferae perditae

Tela, consolator ;
O ignitis jaculis
Tuis sacris pabulis

Dones reluctari,
Nam tuis militiis
His fretus divitiis

Volo gloriari.

3. O dux poenitentiae,

Jesu, Christianae,
Veni, rex clementiae,

O Samaritane,
Et quem his vigiliis
In precum consiliis

Mihi lucubrasti,
Jam fumus aromatis
Igne scandet pneumatis

Ara cordis casti.

4. O te laudum milibus

Laudo, laudo, laudo,
Tantis mirabilibus

Plaudo, plaudo, plaudo;
Gloria sit, gloria,
Amanti memoria

Domino in altis,
Cui ministeria
Dantur et praeconia

Coelicis a psaltis.