17. De beata Maria V.
Lectio I.

1. Mole gravati criminum,
Regjna, mater omnium,
Confugientes poscimus,
Adesto nostris precibus.

2. Aeternae vitae janua,
Aurem nobis accommoda,
Per quam spes vitae rediit,
Quam Eva peccans abstulit.

3. Virgo materque judicis,
Vitam deposce famulis
Et poenitendi spatia
Nobis, oramus, impetra.

4. Exaudi, virgo virginum,
Nobis confer solatium,
Ut perpetrata nequiter
Purgemus efficaciter.

Lectio II.

1. Vere virgo post genitum,
Exaudi preces supplicum,
Et quid poscenti Dominus
Tibi negavit filius?

2. Si tantum velis ; domina,
Delentur nostra crimina,
Quapropter te praecipne,
Servos, oramus, respice.

3. Te orante, sanctissima,
Sanctorum orant agmina,
Si te aversam praevidet,
Coelestis ordo conticet.

4. Per te, mater sanctissima,
Nobis donetur gratia
Tuisque sanctis precibus
Concilietur Dominus.

Lectio III.

1. Sancta Maria, reopice
Precesque nostras suscipe
Et peccata praeterita
Nobis remitti obsecra.

2. Exaudi, virgo virginum,
Pro nobis ora filium,
Futura mala prohibe
Miserisque compatere.

3. O virgo, mater Domini,
Preces attende populi,
Per te cleri criminibus

. Ignoscens parcat Dominus.

4. Virgo gloriosissima,
Vota comple feminea
Nosque post vitam fragilem
Ad veram perduc requiem.