18 H Í S P A L E S .

pacto cessare vellet, Emus Archiepiscopus decretum edidit, in quo declaravit eamdem Castilla suspensionem a divinis ipso facto incurrisse a S. Congregatione illatam, ac die 21 Decembris per Archipresbyterum Xeresii illud Castillae communicavit, eidem mandans ut abstineret ab exercitio mini- sterii, secus in irregularitatem incideret.

Statim respondere noluit Rev. Castilla, sed postero die adivit Archipresbyterum et coram testibus declaravit, sese uti iuri contrarium, ideoque nullum considerare Archiepi- scopi decretum. Io Quia resolutio S. Congregationis omni valore carebat, quatenus non haberet authenticitatis notas quae requiruntur ex dispositione iuris canonici. 2° Quia, admisso etiam authenticam esse dictam resolutionem, ea communicata fuit modo omnino illegali, cum sibi praefixus fuerit terminus ad deducenda iura ante S. Congregationem, quin notae sibi factae sint quaestiones, de quibus agendum erat. 3° Quia, licet authentica, omni vi destituta erat, cum esset omnino opposita Constitutionibus Pontificiis et iuri concordato quod viget in Hispanus. 4° Quia per sententiam Rotae diei 15 Februarii 1894, Archiepiscopus formaliter prohibitus fuit imponere sibi censuras ob quaestiones eidem Rotae cognitioni subiectas. 5° Quia ipse impediens quomi- nus Coadiutores suam usurparent iurisdictionem, neque di- ctis neque factis alienam iurisdictionem, turbaverat. Conclu- debat sese nullam considerare suspensionem, tamen ita externe se gerere velle uti si esset vere suspensus, sed sibi reservare facultates quas parochis Benedictus XIV concedit in sua Constitutione - Nimiam licentiam - relate ad celebrationem matrimoniorum. - Insuper solemnem protestationem emisit dicens, se nullum et irritum tenere Emi Archiepiscopi de- cretum ; contra illud ad Rotam appellationem interpositurum, et quicumque in sui locum ab Archiepiscopo suffectus esset, sciret quod ipse numquam eum recognosceret et indemnita- tem exigeret ab omni damno et detrimento quod ipsi obveniret.

Inutile tandem non erit advertere R. Castilla post ac-