18. De Beata Maria V.

Die Dominica.
Ad Magnificat,
A. O felix virgo virginum,
Concepta mirabiliter,
Da mentibus fidelium
Laudare te sinceriter.
R. Cursu naturae sterilis

Anna mire dam concipit,
Lapsus parentis veteris
Reparari tunc incipit.
V. De coelo datur filia,
Ut vetera contagia
Purget humani generis.
Prosa 1.
1. Ex David semine
proles concipitur,
Quae sancto flamine
Repleta creditur
Matris in utero.
2 Fert mundo gaudia

Virgo, dam nascitur,
Patrum prosapia
Clara progreditur,
Dans lucem saeculo.

3. Gabriel nuntius

Pandit mysterium,
Virginis uterus
Concipit filium
Sacro spiramine.
4. Cum tempus advenit,
Haec parit puerum,
Quem pater genuit
Ante luciferum,
Sine gravamine.
5. Haec legis debitum
Implet cum studio,
Dum ex se genitum
Praesentat Domino,
Pro quo dat hostiam.
G. Regnat feliciter
Mater cum filio,
Quem laudat jugiter
Nostra devotio.
Amen.

Prosa 2.

1. Gaude, proles,

ex Anna nasceris,
Jesse virga

es magni germinis,
Maria.
2. Gaude, virgo,

quae benedicens
Gabriele,

dum ave diceris,
Maria.
3. Gaude, praegnans,

quae prolem parturis,
Indultorem

humani sceleris,
Maria.
4. Gaude, natum

dum offers muneris
Columbarum
vel pullis turturis,
Maria.

5. Gaude, mater

ignara vulneris,
Nato passo

tu tamen pateris,
Maria.

6. Gaude, felix,

dum nato frueris
Supra coelos

assumpto, diceris,
Maria.
7. Gaudeamus,

spes nostri generis,
Pia mater,

tui dono muneris,
Maria.

Die Lunae.
Ad Magnificat.

A. De regali progenie

Refulges orta saeculis,
Nos tuo dono gratiae
Praeserves a periculis.

E. Ex Jacob stella nascitur
Praemonstrata divinitus,
Maria nobis oritur,

Annae promissa coelitus ;
V. Perdulcis et mirabilis
Sanctus et venerabilis
Ex partu cernitur.

Prosa 1.
1. Rosa veris, paradisus
Et Libanus non excisus,

Quo fragrat ecclesia,
Est Maria, mons praevisus,
De quo lapis est abscisus,
Qui fregit sculptilia.
2. Sancta virgo purior,
Super omnes celsior

Ordines coelestium,
Virgo verbo concipit,
Nascitur et accipit
Aeternale praemium.
3. O Maria, fons hortorum,
Alabastrum unguentorum,

Lava, sana vulnera
Tua prece peccatorum,
Ut te duce rex coelorum
Nos ducat ad aethera.

Prosa 2.

1. Stella coeli matutina,
Sol praefulgens, lux divina,

Salve, gemma gloriae,
Culpae nostrae medicina,
Rosa fragrans sine spina,

Fons misericordiae.

2. Advocata peccatorum,
Consolatrix miserorum,

Solamen debilium,

Tu praelata angelorum,

Salus, pax, vita justorum,

Tu pudoris Ulium.

3. Mater nostri redemptoris,

Omni carens vae doloris,

Firma spes fidelium,
Nos tuere cunctis horis,
Nos conjunge coeli choiis
Post praesens exsilium.

Die Martis.
Ad Magnificat.

A. Dei mater efficeris,

Virgo Maria, coelitus,
Tu quae beata diceris,
Fac tuos vasa spiritus.
R. Maria, jam non timeas
Gabrielis oraculum,

Qui parituram nuntiat
Te, sed assensum praebeas
Et sic salvabis saecalum,
Quod per Evam perierat ;
V. Non ex viri contagio,
Sed spiritus suffragio,
Maria, gravidaberis.

Prosa 1.
1. Gaude, virgo mater Christi,
Quae per aurem concepisti

Gabriele nuntio,
Gaude, quia Deo plena,
Peperisti sine poena
Cum pudoris lilio.
2. Gaude, quia tui nati,
Quem dolebas mortem pati,

Fulget resurrectio,
Gaude, Christo ascendente,
Et in coelum te vidente
Motu fertur proprio.

3. Gaude, quod post ipsum scandis
Et est honor tibi grandis

In coeli palatio,
Ubi fructus ventris tui
Per te detur nobis frui

In perenni gaudio.

Prosa 2.

1. Virgo felix, virgo munda,
Virgo casta et fecunda,

Virgo carens simili,
Virgo digne laudabunda,
Nos illaesos fac sub unda
Pertransire saeculi.
2. Virgo virginum praelata,
Te sanctorum vox beata
Laudat in coelestibus,

Virgo, mater honorata,
Ora natum, ut peccata
Laxet te laudantibus.

3. Virgo, flos virginitatis,
Gemma summae trinitatis,

Electorum gloria,
Virgo, norma sanctitatis,
Nos conjunge cum beatis

In suprema curia.

Die Mercurii.

Ad Matutinum.

A. Stella producens radium
Salutis atque gaudii,
Duc nos ad tuum filium,
Qui saepe sumus devii.
R. O stupor, o mysterium,
Dum virgo mater filium
Parit intemerata,
V. Pater de nata nascitur,
Homo Deus progreditur
Nostra tollens peccata.

Prosa 1.

1. Ave, mater gratiae
Finis et miseriae,

Coeli porta,
Nam fons sapientiae,
De te, flos munditiae,
Lux est orta.
2. Dum ex te lux oritur,
Hostis omnis pellitur,

Pax donatur,
Pestis ex tunc tollitur,
Deus verus colitur,
Nox fugatur.
3. Si insurgant vitia,
Haec est, ut victoria

Agnoscatur,
Nam per haec supplicia,
Quae nunc sunt immitia,
Mens purgatur.

4. Ergo, virgo regia,
Nobis haec moestitia
Fert solamen,

Jam hoec stirps egregia
Tibi laude sedula
Dicat Amen.

Prosa 2.

1. Mater dulcis, mater pia,
Te laudantes hac in via

Ad te ipsam dirige,
Mater semper incorrupta,
Vitiorum quos sub lucta

Pressos cernis, erige.
2. Mater nostri redemptoris,
Ab aeterni nos moeroris

Serva cruciatibus,
Mater felix et beata,
Apud natum advocata

Sis in te sperantibus.
3. Mater mira, mater fortis,
Servis tuis hora mortis

Pium fer auxilium,
Mater sancta, mater bona,
Nos sanctorum fac corona

Fici post exsilium.

Die Jovis.

Ad Magnificat.

A. Pura victore perpeti

Templum cum nato visitas,
Ab hoste nos multiplici
Fortis et pia protegas.

R. Genitricis humilitas

Commendatur eximie
In templo praesentata,
Dum ejus summa puritas
Peccati carens carie
Legis subit mandata.
V. In ninus tolle puerum,
Senex, stupens obsequium
Intemerate virginis.

Prosa 1.

1. Ave, virgo regia,
Felix prudens et pia,
Dux caecorum,

Maria, fons gratiae,
Fons miseiicordiae,

Fons hortorum.
2. Gratia gratissima,
Virgo potentissima,

Via morum,
Plena sancto spiritu,
Pone nos in exitu

Peccatorum.
3. Dominus prae singulis
Servet a periculis

Istum chorum,
Tecum, flos munditiae,
Ducat nos in requie

Rex coelorum.

Prosa 2.
1. Ora Christum, mater Christi,
Ora, quem tu concepisti

Sine viri semine,
Ora patrem, ora natum,
Deum verum de te natium,
Hominem pro homine.
2. Ora, quem in crucis ara
Morte mortuum amara
Vides dolentissima,
Ora, quem mire surgentem
Et patenter ascendentem
Cernis ad altissima.
3. Ora, quem scis redituram
Et cunctos judicatuiam

In die judicii ;
Ora eum, te precemur,
Ora, ut pie salvemur.
A poena supplicii.

Die Veneris.

Ad Magnificat.

A. Ad dextram nati residens,

Regina coeli nobilis,

Cunctis beatis praesidens,

His nos junge coelicolis.

R. Dum coelum scandis,
o coeli domina,
Refulgenti
amicta sole,

Cancta tibi

occurrunt agmina
Laetabunda

cum tua prole.
V. In excelsis sublimata,
Nostra semper advocata

Sis, regina gloriae.

Prosa 1.
1. Gaude, virgo praeelecta,
Gaude, quae mire concepta

Es ex matre sterili ;
Gaude, quae stirpe regali
Ortum voce prophetali
Trahis modo nobili.
2. Gaude, quae dum salutaris
Gabriele, gravidaiis

Dei unigenito ;
Gaude, vae doloris carens,
Christum paris virgo manens
Singulari meiito.

3. Gaude, quae legis mandatum
Adimplendo tuum natum

Offers cum muneribus ;
Gaude, in coelum assumpta,
Gaude, tuo nato juncta,

Ora pro fidelibus.

Prosa 2.

1. Virga Jesse,

Quam Anna peperit,
Deum, esse

Qui homo voluit,
Hunc necesse

Per Ave concipit.

2. Hinc enixa

Post virgo peperit,
Non amissa

Qua luce claruit,
Offert ipsa,

Simeon suscipit.

3. Educavit

Hunc virgo filium,
Quem damnavit

Judae consilium,
Punctum dolet

Sic virgo filium.

4. Dum surrexit

Ad matrem rediens,
Sursum vexit

Se coelis inferens,
Inardescit

Post prolem diligens.

5. Est assumpta

Mater. a filio
Super cuncta

Locata solio,
Nobis juncta

Adsit exsilio.
6. Confidentes

De dono gratiae,
Colligentes

Festa laetitiae,
Exsultantes

Canamus gloriae.

Die Sabbati.
Ad Magnificat.

A. Nivis candori similis
Virginitatis merito,
Concede tuis famulis
Aeterno frui praemio.
R. Novo nivis miraculo

Novum templum construitur
Matri virginitatis,
Stapor crescit in populo,
Dum inter aestus cernitur
Jocale novitatis.
V. Munus candoris nivei
Pudoris virginei

Signum de coelo datur.

Prosa 1.

1. Ave, maris stella,
Mater et puella,

Regis regum
Sumens illud Ave,
Parentibus fave,
Via legum.

2. Solve vincla reis,
Solamen dans eis
In hoc gyro,

Virgo singularis,
Parens patrem paris
Absque viro.

3. Vitam praesta puram,
Ut ad spem futuram

Plebs ducatur,
Sit laus Deo patri
Et laus suae matri

Recolatur.

Prosa 2.

1. Novo privilegio
Romana nunc concio
Nivis sub indicio

Decoratur,
Monte super hagio
Admiranda visio
Sub papa Liberio
Demonstratur.

2. Praefectus sum socia
Tibi, virgo regia,
Se et sua omnia

Devoverunt,
Per nivis indicia
Nova fit ecclesia,
Quam fabri ce varia
Compleverant.

3. Fundamentum quaeritur,
Sed terra dum quatitur,
Mox paratum cernitur

Sine viro,
Opus sic perficitur,
Sicut nix extenditur,
Et in altum vehitur

Modo miro.

4. Hanc perfectam dedicat
Papa et sanctificat,
Praesepe dum implicat

In altari ;
Lac, Matthiam applicat,
Per quae haec amplificat
Et dono magnificat

Singulari.

5. Expiato scelere
Tuo, Roma, propere,
Novo gaude munere
Tibi dato;

Pio, mater, foedere
Eductos de carcere
Nos induc in aethere
Peroptato.