Sermo XVI.

Item, sermo Bonaventurae prima Dominica de Adventu editas in Conventu Fratrum Minorum Parisius in Capitulo.

Respicite et levate capita vestra, quoniam appropinquat redemptio vestra, Lucae vigesimo primo.

In his verbis, volens Salvator praemunire suos contra futuram in fine mundi tribulationem, duo facit: primo excitat ad providam considerationem et desiderium aeternorum, ne seducamur; secundo pronuntiat o mnimodam consolationem ne terreamur. Per primum instruit ad contemptum terrenorum et desiderium aeternorum; per secundum ad gaudium et pacem interiorem Primum facit ibi: Respicite et levate capita vestra, quasi dicat: cum videritis, haec temporalia transire, et signa finis mundi advenire; occurrite Domino, ite obviam Christo per affectiones elevatos et desideria sancta in Deum translata In cuius signum sancta mater Ecclesia incipit hodie Officium Missae: Ad te levavi animam meam . Secundum facit ibi: quoniam appropinquat redemptio vestra, id est effectus redemptionis vestrae, qui est in vera participatione gloriae paradisi.

I Notandum itaque, quod ad hoc, quod anima sursum agatur et contra tribulationes , primum oportet, quod sursum feratur in Deum secundum motionem omnium virium suarum ad modum alatarum avium, naturaliter sursum se ferentium et se undique expandentium, sicut patet ex Scriptura sancta, in qua Dominus docet nos et monet levare omnia membra interiora ad Deum Debemus enim levare primo capita per simplicitatem intentionis; Ecclesiastici vigesimo : Est propter gloriam minoratio, et est qui ab humilitate levabit caput.

Secundo, oculos per limpiditatem circumspectionis; Matthaei decimo septimo : Levantes autem oculos suos neminem vi derunt nisi solum Iesum.

Tertio, corda per vivacitatem affectionis; Threnorum tertio: Levemus corda nostra cum manibus ad Dominum in caelos.

Quarto, manus per virtutem operationis; Psalmus : Et levavi manus meas ad mandata tua, quae dilexi, et exercebar in iustificationibus tuis.

Quinto, vocem per veritatem locutionis; Isaiae quinquagesimo secundo : Vox speculatorum tuorum: levaverunt vocem, simul laudabunt, quia oculo ad oculum videbunt, cum converterit Domi nus Sion.

Sexto, faciem per venustatem conversationis ; Iob undecimo : Tunc levare poteris ad Deum faciem tuam absque macula.

Septimo,

totam animam per suavitatem devotionis; Psalmus : Ad te, Domine, levavi animam meam, Deus meus, in te confido, non erubescam.

II. Si autem levatis membra interiora singula cum toto animo simul appropinquat redemptionis effectus, qui quidem consistit in septiformi gaudio paradisi: in ardua celsitudine divinat gloriae, quae nobis plene manifestabitur; in ornata pulcritudine divinae sapientiae, quam aperte contemplabimur; in reflexa rectitudine divinae iustitiae, quam rite admirabimur; in immensa dulcedine divinae clementiae, quam perfecte experiemur; in optata amoenitate societatis beatae, quam notorie (?) assequemur; in praeclara reseratione nostrae animae, qua aeterne dilatabitur; in summa impletione voluntatis omnimodae, quam plenarie adipiscemur

Si igitur sic septiformiter levemur in Deum et in eum naturaliter transferamus nostrum desiderium, indubitanter cum electis Dei ad istud septiforme gaudium, in quo consistit effectus nostrae redemptionis et consummatio nostrae salutis, transferemur in paradisum.