17. In Annuntiatione B. M. V.

1. ''Sancti spiritus
assit nobis gratia,''

2. Quo fecundata

Deum peperit virgo Maria;

3. Per quem sacrata

floret virginitas in Maria.

4. Spiritus alme,

quo repletur Maria,

5. Tu rorem sacrum
fudisti in Maria.

6. Amator sancte, quo amatur,
impraegnatur
Maria ;

7. Sub cuius umbra non torret ur
dum fovetur
Maria.

8. ''Tu purificasti,
''quidquid delicti
contraxit Maria ;

9. Tu cellam sacrasti
sic benedicti
ventris in Maria,

10. Ut tumeret
et mater fieret
virgo Maria,

11. Sic pareret,

ne foetu perderet
florem Maria.

12. ''Prophetas tu inspirasti,
''ut praecinerent,
quod Deum
conciperet Maria.

13. ''Apostolos confortasti,
''ut astruerent
hunc Deum,
quem edidit Maria.

14. ''Quando machinam
''Deus mundanam
fecit, est praefigurata
Maria ;

15. Tellus hominem,
virgo virginem
fudit primum, sic secundum
Maria.

16. ''Tu animarum
''spes adflictarum
dulcis, Maria,

17. Tu servulorum
nexus tuorum
solve, Maria.

18. Tu collisum

peccatis mundum
ad vitam reparasti,
Maria.

19. Idolatras

et leges atras
daemonum enervasti,
Maria.

20. Ergo nos

petimus supplices,

ut ope benigna subleves,

Maria.

21. Et nato

pro nobis supplices,
qui tibi psallimus: Ave,
Maria.

22. Tu felicibus
felicior, Maria,
Tu sublimibus
angelorum coetibus
es praelata, Maria.

23. ''Ipsum hodie
''induisti, Maria,
Qui sine semine
te rigante nemine
fecundavit, Maria.

24. Hunc Deum

nobis placa, Maria.