17. In Resurrectione Domini.

Feria III. Paschae.

1 a. Haec est dies nobis laeta,

Dies nostrae mortis meta,

Qua mutatur Tau Theta,

O ad Alpha vertitur.

1b. Ista dies est dierum,

In qua nobis lumen verum,

Pium, sacrum et sincerum

De sepulcro nascitur.

3 a. In hac die tam festiva

Caro Christi rediviva

Nos credentes in spe viva

Locat, figit, erigit.

2 b. Ab hac die sumus tuti,

Haec adicit nos virtuti,

Vires trucis et versuti

Dolos procul abigit.

3 a. Adam procul exsulavit,

Plagis multis vapulavit,

Sed hunc [haec] lux revocavit

Et sanavit vulnera.

3 b. Detumescunt fluctus freti,

Ionas exit ventrem ceti,

Ninivitae fiunt lacti,

Desiccatur hedera.

4 a. Haec lux Sarae fecit [risum],

Caeco natu dedit visum,

Et de ante paradisum

Tulit ensem flammeam.

4 b. Caput anguis conculcatur,

Qui, cum semper superatur,

Nostrum saltem machinatur

Laedere calcaneum.

5 a. Dat Rebeccae documentum,

Iacob fragrans vestimentum,

Ut sic patri det pulmentum,

Quod hunc velle noverat.

ob. Dum venatu occupatur,

Exspectatur, sed moratur

Et a fratre supplantatur,

Qui lentem cupierat.

6 a. Hic est, hic est dies ille,

In quo Samson vi maxillae

Solus sternit viros mille

Et victor revertitur.

6 b. Portas aufert civitatis,

Suffragatur captivatis

Et pro inimicis gratis

Miro modo moritur.

7 a. Dies transmigrationis,

Dies est reversionis

Ex antiquae Babylonis

Dominatu pessimo.

7 b. Dies iubilationis,

Dies liberationis

Indurati Pharaonis

De iugo durissimo.

8 a. Aegrum,sed semiperemptum,

Secus viam sic inventum

Iesus tollens in iumentum

Pert ad stabularium,

8 b. Qui, dum curat semivivum,

Vinum mittit et olivum

Recipitque donativum

Duplicem denarium.

9 a. Pauperis emolumentum,

Quod per illum violentum

Nimis diu fuit tentum

Usufructuario ;

9 b. Irruente fortiori

Extorquetur iuniori

Redditurque possessori,

Sed proprietario.

10 a. Huius festi sacramentum

Licet per integumentum

Sparsim vetus testamentum

Mystice significati

10 b. Annum hunc acceptionis,

Caecis tempus visionis

Clausis et apertionis,

Isaias praedicat.

11a. Quinque legis prophetarum,

Octo hagiographarum,

Novem libri scripturarum

Tempus hoc subinnuunt;

11b. Prophetia Danielis,

Ioel et Ezechielis,

Sophoniae, Samuelis

Nos ad hoc praeinstruunt.

12 a. In hac, Iesu, die festa

Saeva quaevis et molesta,

Dura, dira, mala, maesta

Et quaecunque non modesta

Teras ad interitum.

12 b. Fac superbos, magnos, reos

Mites, parvos et Zachaeos,

Peccatores fac Iudaeos,

Pigros promptos et Hebraeos

Celebrare transitum.