17.

De Passione Domini.

1. Ave, nate Dei vivi,
De quo quini fluunt rivi,
Divis stillis cruentati,
Rore poenarum potati,

2. Ave, vulnus salvatoris,
Quod cervicem peremptoris
Contrivisti in Thau signo,
Mortem vincens vitae ligno.

3. Ave, vulnus dextrae manus,
Per quod nostrae culpae hamus
Est disruptus, quem in pomo
Primus glutivit Adam homo.

4. Ave, vulnus manus laevae,
Per quod scalam lucis aevae
Nobis pie ostendisti,
Dom te figi spopondisti.

5. Ave, vulnus dextri pedis,
Quod ad vitam coelestis aedis
Hinc nos ducis consolatos,
Fide Christi praesnlatos,

6. Ave, vulnus pedis laevi,
Per quod daemones fraudaevi
Corruerunt, flentes rei
Sed nos dati sanctae spei.

7. Ave, Christi corpus gratum,
Duris plagis vulneratum,
Per hoc sacrosanctum caesum
Duc nos, rex, ad poli esum.

8. Ave, sanguis generose,
Fons dulcoris pretiose,
Rigas nos contritione
Cordis ac devotione.

9. Avete, vos plagae binae
Ducentinae mille quinae
Minus una, purpurantes
Corpus regis et rigantes.

10. Sputa, quae te foedaverunt,
Nostra peccata laverunt

Piando salubriter,
Alapae, quae te ceciderunt,
Omnibus promeruerunt

Vivere feliciter.

11. Ave, flagellatio,
Totius cruentatio

Corporis Jesu Christi;
Nostra consolatio
Sis et liberatio

A nece praetristi.

12. Alligaris statuae,
Verberaiis strenue
Manu impiorum,
O Christe, quam arduae
Plagae sunt et mutuae
Per corpus decorum.

13. Per plantas et verticem,
Digitos et pollicem

Salutis cruor manat,
Dorsi superficiem,
Qui totam planitiem

Carnis ejus lavit.

14. Ave, spinarum punctio,
De qua fluit unctio

Mundi medicina,
Sis cordis compunctio
Et oris devotio,

O beata spina.

15. Distillantes rivuli
Pro salute populi

De capite dominico
Peccatorum tumuli,
Meritorum cumuli,

Fiant supplicatio.

16. Salvete, vos clavi rubri,
Pro nostra vita salubri

Infixi feliciter,
O clavi praeciari
Christi Dei cari,

Vos oro suppliciter,
Ut me jucundari
Simul et beari

Juvetis feliciter.

17. Salve lanceatio,
Lateris perforatio
Nostri redemptoris,

Me illuminare,
Domine, dignare

Tuo lumine,
Ut tecum regnare
Queam et laudare

Te sine fine.

18. Salve depositio

Christi jam defuncti
De crucis patibulo
Et myrrha peruncti ;

Deposito scelere
Me orna virtutibus,

Ut possim convivere
Angelis coelestibus.

19. Alma Christi passio,
Mea consolatio

Sis mortis in hora,
Ut hostis temptatio,
Falsa comminatio

Cesset sine mora.