18.

1. Ex creata non creatus
Nasci nobis est dignatus,
Qui pro nobis humanatus
Natae tulit esse natus,
Formam indutus hominis,
Sed salvo jure numinis,
Ut sic per partum virginis
Veteris possit criminis
Dilui reatus.

2. Ut scripturis explicatur,
Verbum patris incarnatur,
Nube carnis palliatur,
Quem lex stupet, jus miratur,
Obstupescit humanitas)
O mira rei novitas,
Par effecta disparitas,
Illaesa manens deitas
Carni inartatur.

3. Novo volens salutari
Desolatos consolari,
Carne sumpta saeculari
Non abhorret incarnari

Virginis clausus gremio,

Qui David sedet solio.

In quo natura filio

Miratur privilegio
Solito privari.

4. Naturae jus obmutescit,
Juris ordo decrebrescit,
Matris modum mater nescit,
Sed se matrem expavescit
Virgo facta puerpera,
In sua claudens viscera,
Quem terra, pontus, aethera,
Quem totus teste litera
Orbis non capescit