Acta Apostolicae Sedis - Commentarium Officiale

III

BASILICAE MINORIS HONORIBUS AUGETUR TEMPLUM CORTONENSE S. MARGA-

RITAE POEN .j O. E. M.

PIUS PP. X I

Ad perpetuam rei memoriam. - Sanctuarium perinsigne Deo Optimo

Maximo consecratum in honorem sanctae Margaritae Cortonensis, in quo

inclytae poenitentis corpus incorruptum asservatur, tam vetustate (con-

tinuo enim post obitum Sanctae erectum est) quam amplitudine molis et

artis operum splendore ceteris antecellit, commissum curis Fratrum Ordi-

nis Minorum, quorum frequens tyrocinii domus adiacet templo, ecclesiasti-

carum functionum commendatur pompa et decore, sacra et pretiosa

supellectile refertum, conspicuis Sanctorum lypsanis excultum, non solum

ex universa dioecesi Cortonensi, sed e finitimis etiam regionibus turmatim

confluentium fidelium piis peregrinationibus quotannis celebratur. In eo

quidem sanctuario venerabilis exstat, canonice erecta, archiconfraternitas

contritionis ac poenitentiae pluribus a Romanis Pontificibus, Decessoribus

Nostris, privilegiis atque indulgentiis aucta atque in universum terrarum

orbem diffusa; quae ipsius sanctae Margaritae titulo gaudet. Iamvero

cum venerabilis frater Richardus Carlesi, Episcopus Cortonensium, vota

exprimens tam Praepositi provincialis Minorum Fratrum, quam cleri popu-

lique sui, Nos enixis precibus flagitaverit ut auspicata occasione sexti

labentis centenarii anni a divae ipsius sollemni canonizatione, idem insigne

sanctuarium ad Basilicae dignitatem evehere dignemur: Nos, animo repe-

tentes aedem sacram praefatam omnibus nominibus tanto honore dignam

esse, optatis his concedendum ultro libenterque existimavimus. Collatis

itaque consiliis cum venerabili fratre Nostro Antonio Sanctae Romanae

Ecclesiae Cardinali Vico, Episcopo Portuensi ac Sanctae Rufinae, Sacro-

rum Rituum Congregationi Praefecto, omnibusque rei momentis religiose

perpensis, templum sive sanctuarium in honorem sanctae Margaritae

Cortonensis, intra fines dioecesis ipsius in Tuscia situm, motu proprio

atque ex certa scientia et matura deliberatione Nostris, deque apostolicae

Nostrae potestatis plenitudine, praesentium vi perpetuumque in modum,

ad Basilicae minoris titulum evehimus, omnibus privilegiis adiectis, quae,

iuxta decreta atque indulta consueta, minoribus Basilicis competunt.

Haec edicimus, volumus, largimur, decernentes praesentes Litteras

firmas, validas atque efficaces iugiter exstare ac permanere; suosque plenos