20 Acta Apostolicae Sedis - Commentarium Officiale

in festo Natalis D. N. I. C. ad Matutinum, primam Missam/ Laudes

et tertiam Missam; ad Matutinum Tenebrarum, Missam et Vesperas

feria quinta, sexta et sabbato sancto maioris hebdomadae, atque ad

Missam solemnem in die Commemorationis Omnium Fidelium Defuncto-

rum et in die anniversaria Innocentii Papae Octavi depositionis, quae

vicesima sexta iulii mensis die, Capellanorum Collegii cura, omnibus Ca-

nonicis, Beneficiatis et Clericis intervenientibus, quotannis celebranda

est; I V o Insuper singuli Capellani interesse debent Processionibus, quae

in Basilica fieri solent prima quaque cuiusvis mensis dominica, in Li-

taniis Maioribus in festo S. Marci, in feriis quinta ac sexta maioris heb-

domadae et in die sollemni Paschae ante vesperas, in Corporis Domini

sollemnitate eiusque die octava, nec non in quavis processione cuncto

clero romano indicta; V o Capellani, qui aut supra memorato Missarum

celebrationis oneri sibi imposito satisfacere neglexerint, aut praefatis

Missis Cantatis, Matutinis, Vesperis et Processionibus non interfuerint,

nisi legitima causa, quemadmodum ceteri chorales, excusentur, mulctari

et punctari debent; venerabili autem Fratri Roberto Vicentini, Patriar-

chae Antiocheno Latinorum et Vaticanae Basilicae Cardinalis Archipre-

sbyteri Vicario, per praesentes easdem Litteras committimus, ut pecu-

liari decreto cuiusvis illegitimae absentiae mulctam seu punctaturam

ipse statuat, negligentibus omnino solvendam; V I o Indulgemus insuper

ut quilibet Capellanus a choro quotannis abesse queat quindecim tantum

dies, sive continuos sive intermissos, exceptis tamen diebus Nativitatis

D. N. I . C, tribus ultimis maioris hebdomadae diebus, necnon Paschatis

et Corporis Domini et SS. Petri et Pauli sollemnitatibus; V I I 0 Capella-

niarum autem bona omnia et redditus, quorum capita seu tituli apud

Capitulum asservantur, ab eodem Capitulo deinceps administrentur;

V I I I o Confirmamus denique quod per Apostolicas, quas supra diximus,

Litteras Alexandri Papae Sexti sancitum est, videlicet quod ipsi quatuor

Capellani omnibus et singulis privilegiis, libertatibus, indultis, conces-

sionibus, gratiis et immunitatibus, quibus alii Beneficiati ratione suorum

beneficiorum, quae in eadem Basilica pro tempore obtinent, utuntur,

potiuntur et gaudent, absque tamen eorum praeiudicio, uti, potiri et gau-

dere libere et licite possint et debeant, subiicianturque et subsint ratione

dictarum Capellaniarum iurisdictioni Vicarii dictae Basilicae pro tem-

pore exsistentis in spiritualibus Generalis, quemadmodum Beneficiati

praedicti ratione suorum beneficiorum subiiciuntur et subsunt. Ad quae

omnia uti supra disposita et constituta exsecutioni mandanda dilectum

quem supra memoravimus Filium Nostrum Patriarchalis Basilicae V a -

ticanae Archipresbyterum deligi mus, eidemque necessarias et opportunas