20 SUSPENSIONIS

valeant huiusmodi indicia tradisse Pignatel. tom. 1 consult, canon. 133, n. 7, cum scilicet defectus scientiae sit notus, praecedatque fama imperitiae, vel id ipsum Episcopus arguere probabiliter valeat, quia Parochus studio non vacaverit, ideoque scientiam antecedentem forte deperdiderit. Nec ad haec indicia probanda testes iuridice deponentes proferantur oportere, sed sufficere talem imperitiam constare Episcopo extraiudicialiter, vel quia illi per personas fide dignas ita relatum fuerit, vel ex dictis et factis Parochi, vel ex aliis circumstantiis ipsemet gravem coniecturam imperitiae depromat, ceu diserte definitum fuit a S. G. in alia Pampilonensi 15 Ianuarii 1667, lib. Decr. 25 p. 298, in qua Sac. Congr. respondens ad III. Dub. censuit ad huiusmodi examen faciendum haud necesse esse, ut iudiciales probationes imperitiae praecedant. Item in Legionen. 15 Decembris 1725, in qua cum resolutum fuerit « Observanda esse antiqua Decreta » laudatus Benedict. XIV. de Synod. Dioeces, lib. 13 cap. 9 n. 21 diserte expli- care eadem Decreta ad sequentia reduci; nimirum a prudenti Episcopo in re tam gravi non esse inconsiderate procedendum; non esse praebendas nimis faciles aures fallacibus vulgi vocibus clamantis imperitum parochum esse, et administrandae Paroeciae ineptum : si vero de eiusdem imperitia et ignorantia probabiles notitiae et gravia argumenta suppetant, tum in potestate Epi- scopi esse etiam extra visitationem, omni iudicii forma seclusa, huiusmodi parochum ad examen revocare, quamvis alias ab eodem Episcopo in praecedenti examine fuerit approbatus. Quam quidem conclusionem confirmat Pignatellius loc. cit. etiam ex facultate quam Tridentini Patres Sess. 21 cap. 6. Episcopis tri- buerunt, dandi scilicet coadiutores Rectoribus imperitis: quippe, non admisso novo examine, aut numquam darentur coadiutores, aut iniuria darentur iis Rectoribus qui forsan habiles essent et periti.

Hisce in iure praeiactis, imperitiam Bernardi arguere in facto Episcopum ex ipsomet examine suae approbationis, quo-nonnisi, ex necessitate et deficientibus aliis habilibus eumdem parochiae praefici potuisse. Quo praecise iri casu teneri Episcopum inqui- rere, dum actu visitat, de recta sacramentorum administratione et adhibere examen si fuerit necessarium pro huiusmodi notitia acquirenda, prout docet Pigliateli, loc. cit. n. 18. Atque huiusmodi occurrente casu non expectanda esse ab Episcopo indicia gravia