20 INTERAMNEN.

qui tam ratione servitii, quam communis utilitatis causa,, capitulo sunt devicti.

Accedit quod ex praefatis rectoribus alter frater est illius Possenti, qui camerarium cathedralis sacristiae agit, et cum eo convivit; alter vero, nempe rector S. Petri licet hodie contra parochum testetur, nihilominus ab initio quaestionis palam professus est bonum ius ex parte parochi S. Crucis esse, veluti duo alii civitatis parochi, S. Nicolai et S. Thomae, in litteris ad acta relatis, se amussim audivisse fatentur.

Quod autem testes a se propositi validiores sint magis- que praeferendi, actor parochus probat, recolendo hos inter nedum Ordinarium haberi, sed duos parochos, quorum alter s. Christophori nempe, qui senior est et praeclarissimum inter omnes dioecesis curiones. Ex saecularibus autem unum tantummodo exceptione aliqua posse repelli ; nam aedituus modo est paroeciae S. Crucis ; tres reliquos vero omni ex- ceptione esse maiores.

Relate vero ad parochos animadvertit actor, eos tum quia qualificatos, tum quia in cathedrali ecclesia sepulcra gentilitia suorum filianorum non habent, fide dignos censeri debere.

Sed quod magis valet, hoc esse videtur, quod parochus considerat, nempe attestationes ex parte capituli vagas et incertas se prodere, nam nullum praecisum factum produ- cunt.

At imo neque pro duabus aliis ecclesiis tumulantibus S. Petri et S. Francisci, pro quibus duo respectivi rectores te- stantur, suppetit maior numerus casuum ; nam asseverat actor, unum tantum casum exhiberi ab eis posse.

Iamvero ad hoc ut inter particulares ecclesias praescri- batur sive tota obligatio, sive quantitas quartae, requiri consuetudinem quadragenariam cum titulo, aut immemora- bilem, docent Silvester, Verb. Canonica portio* num. 2 et 4; Barbosa De off. et potest. Parochi* p. 3* c. 25* num. 16 ; Samuel De sepulturis tract. 1* Cont. 9* conci. 5 ; Schmalzgrueber h. t. § 8 num. 10.