20. De Conceptione BMV.

In 1. Vesperis.
Super Psalmos.

A. Stella Jacob,

proles Davidica,
Paritura

solem justitiae,
Matris alvo

clauditur unica,
Sancta facta

fluentis gratiae,

Pangat mundus,

plaudat vox coelica,
Tanti festi

dono laetitiae.

Ad Magnificat.

A. Sacrat domum

fons sapientiae,
Fulcit donis,
ornat virtutibus,

Salus, amor,

pax, lex munditiae,
Grata dona

dantur hominibus ;
Sit spes lapsis,

sit locus veniae,
Moestos sanet,

sistat coelestibus.

Ad Matutinum.
Invitatorium.

Mariam, matrem gratiae,
Devote collaudemus,

Jesum, dominum gloriae,
Venite, adoremus.

In 1. Nocturno.
Antiphonae.

1. Rubus ardendo virescit
Et miranda nuntiat,
Virga Jesse virum nescit,
Deum nobis pariat.
2. Ignis columna praecedit
Coetum confitentium,
Jam Aegypti nox abscedit
Et peccati devium.

3. Manna coeli nobis datur,
Cor, mentem reficiens,
Anna quando fecundatur
Dei matrem gestiens.

Responsoriis

1. Arca legis

arcana proferens
Intus, foris

aurea cernitur,
Virgam, urnam,

tabulam continens,
Plena bonis

mundo tribuitur.
V. Nos amoris auro tegit,
Deo pascit, Christo regit,

Veritate dirigit.

2. Vellus madet Gedeonis
Et inundat coeli donis

Et virtutum copia,
Vim transcendit rationis,
Quod sedentem summis thronis

Regant matris gremia

Sub carnis substantia.
V. Obstupescit hic natura,
Dum mutantur sua jura,

Quod regentem omnia.
3. Thronus grandis

et admirabilis
Actu, forma,

virtute legitur,
Justus, pius,

potens et humilis
Princeps pacis

in eo sistitur,
Culpae lapsus

per eum tollitur.
V. Non est talis

nec erit similis,
Dulcis, clemens,

mitis et utilis.

In 2. Nocturno.
Antiphonae.

1. Aaron virga frondescit,
De qua fructus oritur,
Quo morbus mox evanescit,
Quo mors nostra moritur.
2. Terra lacte, melle manans
Patribus promittitur,
Ex Maria coelum donans
Homo-Deus nascitur.
3. Auri sceptrum Assueri
Pacis donat foedera,
Nos adspectus Dei veri
Locat super aethera.

Responsoria.

1. Cornu veri Samuelis,
Quo linitur plebs fidelis

Sacra fluit unctio,
Servitutis lex crudelis
Fugit, dum grata de caelis

Venit benedictio.
Qua perit damnatio.
V. Laus tibi, virgo sacrata.
Dei mater illibata,
Per quam fit salvatio.
2. Roris caeli

repleta copia
Parva nubes

de caelo tollitur,
Gratiarum

per stillicidia
Mundus arens

fecundus redditur,
Plenus ager

fragrans ostenditur ;
V. Haec hortorum

fons indeficiens,
Haec puteus

mentem reficiens.
3. Lyra sacrae melodiae
David manu tacta pie

Plectro sancti spiritus,
Vitam dulcis hannoniae,
Amplexum Dei sophiae
Trahit ad se caelitus,
Fugat hostem penitus ;
V. Plaudat chorus electorum
Virginalem ante thorum
Ornatum divinitus.

In 3. Nocturno.
Antiphonae.

1. Homini dat et jumentis
Pastum virgo regia,
Dum justis gratia mentis,
Reis datur venia.

2. Hydria farinam gestans
Panem verum conficit,
Angelorum vitam praestans
Cor virtute perficit.
3. Bethlehem cisterna patens
Potum vitae tribuit,
Quo sitis peccati latens
Et fervor emarcuit.

Responsoria.

1. Aqua praebens

amaritudinem
Ligno merso

praedulcis bibitur,
Olla ferens

mortis imaginem
Per farinam

salubris redditur,
Sic potatur

mundus et pascitur ;
V. Haec est virgo,

de qua conficitur
Medicina,

qua vere vivitur.

2. Virga donans favum mellis
Adae pulso morsu fellis

Lucis dat solatia,
Hostis diri victis bellis
Nos in pace locat cellis,

Ubi vera gaudia,

Ubi laus et gloria.
V. Flore, fructu dulcis vitis
Botris divo rore litis

Cordis fugat tristia.
3. Veri solis

amicta pallio,
Luna plena

sub pede sternitur,
Duodeno

stellarum radio
Caput ornans

corona plectitur,
Super cuncta

praelata cernitur,
V. Rosa rubens,

cedrus munditiae,
Palma virens,

cypressus gratiae.

I n Laudibus.

Antiplionae.
1. Alte sonat sacra tuba
Dei verbum proferens,
Locum mutet Dei turba
Caelum mundo praeferens.

2. Urbs electa votis divis
Reis est refugium,
In qua Deus manet civis
Et tenet imperium.

3. Jam Eliae chlamys datur
Tegens Dei filium,
Fluxus amnis dividatur
Trahens ad excidium.

4. Ex leclvyto pie finit
Olei perfusio,
Quo rubigo vetus ruit
Necdum cessat unctio.

5. Medicinam mundo profert
Tobiae piscarium,
Caeco lumen gratum confert
Et fugat daemonium.

Ad Benedictus.

A. Anna nobis

Mariam praebuit,
Radix sancta

ligni fructiferi,
Virgo mater

Dominum genuit,
Arbor sacra

fructu cum uberi;
Jesus mundum

vitae restituit,

Ipsum salvans
virtute celebri.

In 2. Vesp eris.
Super Psalmos.

A. Matris Dei

nova conceptio
Typus horti

caclestis germinis.
Quam inundat

sanctificatio
Et fecundat

vis sancti flaminis,
Nos emundet

a labe criminis.

Ad Magnificat.

A. O quam felix

Annae fecunditas,
Parvum celans

fontem clementiae,
Sub pugillo

clauditur sanctitas,
Lignum, vermis,

origo gratiae;
Nunc emanet

fecunda puritas,
Crystallinae

lux refulgentiae.