Sermo XVIII.

Item, sermo fratris Bonaventurae editos in sancto Dionysio de Parisiis prima Dominica de Adventu, coram toto Monasterio in Capitulo monachorum.

Videbunt Filium hominis venientem in nube cum potestate magna et maiestate, Lucae vigesimo primo .

In hac auctoritate describitur tam adventus Filii Dei in uterum virginalem quam adventus ad iudicium generale triformiter, scilicet ut universaliter contemplabilis in hoc, quod dicitur ab omnibus visuros ; ut mysterialiter intelligibilis in hoc, quod dicitur in nube venturus; ut venerabiliter admirabilis in hoc, quod dicitur in maiestate appariturus.

I. Notare itaque possumus, quod quantum ad primum adventum, qui fuit in uterum virginalem, venit Filius Dei in nube parvula propter profundum suae humilitatis; tertii Regum decimo octavo : Nubecula parva quasi vestigium hominis ascendebat de mari.

In nube candida propter privilegium puritatis; Apocalypsis decimo quarto : Vidi , et ecce, nubem candidam et super nubem sedentem similem Filio hominis.

In nube perluslrata propter magisterium suae veritatis; Apocalypsis decimo: Vidi alium Angelum fortem descendentem de caelo amictum nube, et iris in capite eius.

In nube imbrifera propter affectum eius pietatis; Ecclesiastici trigesimo quinto : Speciosa misericordia Dei in tempore tribulationis quasi nubes pluvi ae intempore siccitatis.

II. Venturus est autem in fine temporum ad iudicium generale in nube praecelsa quantum ad sublimitatem potentiae, quam nullus poterit effugere; Matthaei vigesimo sexto : Videbitis Filium hominis sedentem a dextris virtutis Dei et venientem in nubibus caeli.

In nube ig nea quantum ad claritatem et virtuositatem sapientiae, quam nullus poterit latere; Ezechielis primo : Vidi , et ecce , nubes magna et ignis involvens et splendor in circuitu eius et de medio eius quasi species electri, id est de medio ignis.

In nube rect a quantum ad severitatem iustitiae, quam nullus poterit inflectere; Psalmus : Nubes et caligo in circuitu eius, i ustiti a et iudicium correctio sedis eius.

In nube gloriosa quantum ad aeternitatem reverentiae quam nullus poterit declinare; Danielis septimo : Aspiciebam i n visi one noctis, et ecce, cum nubibus c aeli quasi F ilius hominis veniebat et usque ad antiquum dierum peruenit etc. Et dedit ei potestatem et honorem et regnum, et omnes populi, tribus et linguae ipsi servient; potestas eius potestas aeterna, quae non auferetur .