ROMANA 21

bat : ut, inquam, haec mittamus, memoratu sane dignissimum est, quod aliquando concionem habens, intelligi potuerit a mul- tis ex variis nationibus qui Oratoris linguam plane ignorabant : quod alias audiri valuerit ab iis, qui multis passuum millibus ab eo distabant : quod denique Hispelli a conferto populo eum audiente conspectus fuerit ornatus tribus micantibus stellis.

Neque charismatibus modo, sed et miraculis claruit. Aletri D. Paschalem Aloisi, variis, iisque gravibus confectum infirmi- tatibus liberavit, firmamque reddidit valetudinem. Alterum quo- que infirmum, spe medicorum deperdita, et in extremo prope agone animam agentem, impertita benedictione a mortis fauci- bus eripuit. Neque alia defuerunt exempla, multis enim aegro- tis valetudinem redintegravit, quin phtysi et dementia captos, prodigiose sanavit: attractam pariter mulierem, patrocinio s. Fran- cisci Xaverii commendatam, sospitem reddidit.

Praeter miraculosas sanationes, in defectu nummorum ad emendum pro domo congregationis victum, exiguam pecuniae summam multiplicavit, et idem praestitit in annona.

Iam vero ex heroica virtutum omnium exercitatione, ex su- pernaturali charismatum fulgore, ex tot tantisque prodigiis per nostrum Del-Bufalo publice spectatis, fama sanctitatis dimanavit. Quae quidem tum apud proceres civitatum, quotquot perlustra- vit, tum apud plebem summo in gradu, constanter, indeclinate per temporis lapsum progressum adepta, et incrementum ad exitum usque eius vitae percrebuit, indeque clarior resonuit, ut infra erimus demonstratum. Hanc Romani Pontifices retinuere cum illum congregationem suam fundare atque ampliare in bo- num reipublicae christianae iusserunt ; hanc praestantissimi An- tistites cum regimen ei propriae Dioecesis animarum ultro ac- eito tradiderunt atque commendarunt ; hanc quamplurimi Pur- puran' Patres, et Praesules sanctitate, uteris et doctrinis ornatis- simi testati sunt; cum in sermonibus eum, suis in epistolis san- ctum appellarunt; denique provinciae, oppida, cultissimae civi- tates humilesque villae sanctum viventem nuncuparunt, et memoriam illius quam diuturnam servantes religiose sunt pro- secutae.

Interea diuturni incredibilesque suscepti pro re apostolica la- bores, itinerum, frigorum, nimborum aestuantisque caeli per- pessa incommoda, magnanimum virum in exitum suae vitae proripiebant. Ipse vero antequam infirma premèretur valetudine