HISPALEN. 21

ad cautelam, sententia interlocutoria inflictam, nullius esse valoris.

Quapropter Castilla iure meritoque ab hac suspensione appellasse videtur, ad effectum tam suspensivum quam de- volutivum, cum fundamentum deficiat in quo talis censura innitatur. Et iniuria Vicarius Generalis appellationem tan- tum in devolutivo admittere voluit, eo quod gravamen illatum non erat irreparabile, iuxta decreta per Tridentinum Sessio 13, cap. 1 De Ref., nam eiusmodi dispositio lata fuit ad cohi- bendam nimiam appellandi licentiam quae haud raro admi- nistrationem iustitiae frustraneam reddebat. Sed neque prohibuit, neque prohibere potuit appellationes rationales, secus delesset ius appellationis, quod ipsum Concilium vocat innocentiae praesidium - et quoad eam veteres canones om- nino servari iubet. -

Insuper, omisso etiam quod docet Suarez De censuris - Disp. 28 - a suspensione a beneficio semper appellari posse ad utrumque effectum, quod confirmat Cl. D' Annibale - P. I n. 382, not. 33; quia huiusmodi suspensio est potius poena quam vere censura. Insuper advertatur,. S. C. Concilii retinuisse ut gravamen irreparabile considerari posse sim- plicem comminationem carceris, torturae, excommunicatio- nis etc. ; ideoque multo magis hoc dicendum de suspensione ab officio et beneficio in parochum decretam, nam adducit in periculum eius famam, minuit auctoritatem atque ludibrium et aversionis obiectum populo christiano efficit. Et quomodo hoc gravamen a definitiva sententia reparari posset ?

Graviores etiam appellationis causae videntur adesse in sententia secundae suspensionis qua R. Castilla mulctatus fuit ex informata conscientia; nec non in sententia decla- ratoria, qua praemonetur eum incidisse in excommunicatio- nem speciali modo Summo Pontifici reservatam iuxta art. VI . Const. Apost. Sedis. Nam huiusmodi declaratio nullius est valoris, quia defuit citatio, ceu docent Reiffenst. Tit. 39 De Sent. Excom. n. 23, Thesauro De Poenis part. 11 fol. 121, omnesque canonistae, excepto casu in quo crimen sit noto-