19. De Passione DN.

1. Benedictus Christus Deus,

Crucifixus amor meus,

Quem suspendit vir Jndaeus

In crucis patibulo ;

Captus, ductus et ligatus,

Exprobratus, vulneratus,

Lanciatus, morti datus

Exstitit pro populo.

2. O Jesu, lux et dulcedo,

In quo spero, vivens credo,

Gratulanter tibi me do,

Fons beatitudinis ;

Crucifixus pro me doles,-

Qui dolere nunquam soles,

O miranda sacra proles

Grloriosae virginis.

3. Stans in cruce pependisti,

Pro me sanguinem fudisti,

Quem a morte redemisti

Dolens amarissime ;

Pro peccatis tuae gentis

Membris undique distentis,

Totus pendes in tormentis,

O Jesu dulcissime.

4. Dona mihi cor amarum,

Quasi fontem lacrimarum,

Ut tuarum sim poenarum

Particeps et socius;

Cor pungatur prae dolore

Et sic languens in amore

Tuo zelo novo more

Sit ardens interius.

5. Tu, qui amor es amorum,

Qui faisti vir dolorum,

Pro me plenus tormentorum

Pendens in angustia ;

Me prudenter fac dolere,

Cum Maria fac me fiere,

Tua tecum portem vere

Maxima supplicia.

6. Tu, qui cunctis dominaris,

Stans in cruce lacrimans,

Contristatus cruciaris,

O fons innocentiae;

Ibi dormis, alme Deus,

Pro me passus, qui sum reus,

Justus meus Nazareus,

Cubas in meridie.

7. Possum valde procul ire,

Mare terras circuire,

Nec te possum invenire,

Jesu lux clarissima,

Ni in sola crucis ara,

In qua passus es amara,

Via, veritas praeclara

Et vita dulcissima,

8. Redemisti nos labore

Cum sanguineo sudore

Lacrimatus cum clamore

Longo cruciamine;

Tu, qui nostrum ob amorem

Suffers poenam et dolorem,

Fac audire nos clamorem,

Quo clamasti, Domine.

9. Fac cor sanguine liniri,

Cruce fac exinaniri,

Tuis plagis amiciri,

Cor ardescat funditus ;

Vulneratum, perforatum,

Cruentatum, immolatum,

Inflammatum, morti datum,

Sic absorptum coelitus.

10. Praesens utinam fuissem,

Ut pendentem te vidissem,

Lamentando te flevissem

Cum sacrata virgine;

Te fuissem complexatus,

Tuas plagas osculatus,

Totus forem rubricatus

Pretioso sanguine.

11. Te flevissem flagellatum,

Dire nimis cruentatum,

Derisive coronatum,

Sed corona spinea;

Derelictum, desolatum, .

Tuum caput inclinatum,

Pectus dire lanceatum

Militari lancea.

12. O me utinam Judaei

Condemnassent hujus rei,

Sociassent me sic ei

Sumpto fellis poculo ;

Adspexissem sacras venas,

Coelico cruore plenas,

Et ornassem meas genas

In cruoris rivulo.

13. Sic me secum crucifixum

Suspendisset penes ipsum,

Ibi tempus per prolixum

Stantem in martyrio,

Nostras sordes abluentem,.

Ut salvaret omnem gentem,

Totum sanguinem fundentem

Cordis desiderio.

14. Sanguis capitis cruenti,

Da salutem omni genti

Te devote recolenti

Cum benevolentia;

Sanguis pectoris sacrati,

Dele maculas peccati,

Fac, ut simus nos beati

In coelesti patria.

15. Sanguis manuum sacrarum,

Molem dilue culpaiam,

Pellas hoc, quod est amaium,

Duc nos ad coelestia;

Sanguis pedum sacratorum,

Dele morbos infirmorum,

Nos perducas ad coelorum

Eegna tam sublimia.

20. De verbis Domini septem in cruce.

I

1. Jesu, salutis hostia,

Salutis sacrificium,

Jesu, salutis gratia,

Salutis beneficium,

5. Jesu, tuta fiducia,

Jesu, tutum refugium.

Tu pro humano genere,

Ut captivum redimeres,

Tu pro humano foedere,

10. Ut exsulem reduceres,

Tu pro humano scelere,

Ut culpas nostras tolleres,

Tu pro divino munere,

Ut nos Deo conjungeres,

15. Non recusasti vincula,

Non flagella, non verbera,

Non latronum patibula,

Non livores, non vulnera.

Sed dum te crux susciperet,

20. Et hostis in te fremeret,

Dum malleis percuteret

Et clavis carnem scinderet,

Dum sensum dolor angeret,

Et sacer sanguis flueret,

25. Dum passio te premeret,

Angustiaque cresceret,

Patrem rogasti precibus,

Ut tamquam ignorantibus

Tuis ignoscat hostibus

30. Ac te crucifigentibus,

'' Dicens: Pater, ignosce illis,

quia nesciunt, quod faciunt.''

O mitis patientia,

O mansueta mititas,

35.O immensa clementia,

O immensa benignitas,

Qui ut ovis mitissima

Non promis quaerimoniam,

Qui ut mater carissima

40. Jam excusas injuriam,

Ut anima dulcissima

Tenes benevolentiam,

Ut voluntas piissima

Praebes misericordiam.

45. Ad te vadit spes animae,

Ad te currunt lacrimae

Et pulsant desideria

Confidenter dicentia:

Ignosce nobis, Domine.

II.

1. Jesu, largitor veniae,

Jesu, solamen tristium,

Jesu, laus poenitentiae,

Jesu, spes poenitentium,

5. Dum penderes innoxius

Horum in poena socius,

Dum te unus argueret

Et stulte reprehenderet

Et blasphemando diceret:

10. Si tu es Dei filius,

Salva temet ipsum et nos,

Esto tibi propitius

Sicut salvasti alios ;

Dum alter hunc corriperet

15. Et hunc stultum ostenderet,

Dum se malum contenderet

Et te justum adsereret,

Dum ad te se converteret

Et supplex tibi diceret:

20. Memento mei, Domine,

Dum ad tuum perveneris,

Regnum plenum dulcedine,

Dum te regem ostenderis ;

Tu amans poenitentiam,

25. Corda trahens per gratiam,

Non solum hanc memoriam

Concessisti sed gloriam,

''Dicens: Amen dico tibi,

hodie mecum eris in paradiso.''

30. O prompta Dei caritas,

Prompta misericordia,

O prompta liberalitas,

Prompta munificentia,

Ad te currit devotio,

35. Ad te redit memoria,

Coram te fit confessio,

Tibi patent praecordia;

Adeo cum fiducia

Tibi precamur, Domine,

40. Qui es sine malitia,

Solus es sine crimine,

In tua patientia

Memento nostri, Domine.

III.

1. Jesu, lux et rex gloriae,

Fili Dei et hominis,

Jesu, flos pudicitiae,

Fili Mariae virginis,

5. Dum haec virgo sanctissima,

Tota plena doloribus,

Genitrix amantissima

Tot confecta moeroribus,

Tua mater carissima

10. Tot percussa fletibus,

Nutrix diligentissima

Tot fracta singultibus,

Juxta crucem adsisteret

Et te pendentem cerneret,

15. Dum tormenta conspiceret

Et prae lacta deficeret,

Tu videns matrem flebileni,

Pressam amaritudine,

Matrem tam venerabilem,

20. Dignam beatitudine,

Videns quoque discipulum,

Amatum et amabilem,

Fidelem Dei famulum,

Johannem, vita nobilem,

25. Alloquens ambo dulciter

Piae vocis oraculo

Commendasti benigniter

Matrem, Christe, discipulo,

Dicens matri: Mulier, ecce

30. ''filius tuus ; deinde discipulo:

ecce mater tua.''

O qualis permutatio,

O quanta inaequalitas,

O qualis desolatio,

35. O quae matris acerbitas,

Dum custos matri traditur

Pro magistro discipulus,

Dum per matrem suscipitur

Pro Deo vir pauperculus,

40. Dum matri Christi mittitur

Pro rege simplex famulus.

Sic tuae, Jesu, gratiae

Me commendo humiliter

Tuaeque providentiae

45. Me committo perenniter,

Ut exorante virgine

Pro nobis stet suppliciter,

A peccatorum turbine

Simus securi jugiter.

IV.

1. Jesu, patris ingeniti

Virtas et sapientia,

Jesu cujusque conditi

Tenor et consistentia,

5. Tu virtute mirabili

Panes multiplicaveras,

Tu virtute consimili

Stellam infans reduxeras,

Defunctos suscitaveras,

10. Opera mira feceras,

Morbos omnes sanaveras,

Totum orbem formaveras,

Tu virtute terribili

Daemonia ejeceras,

15. Tu virtute consimili

Hostes tuos prostraveras,

Sed adfixus patibulo

Patri factus obediens,

Jussu patris in vinculo

20. Vinctus manens et patiens,

Qui vult, quod hanc angustiam

Ut infirmus sustineas,

Nec dictam potentiam

Te liberans exerceas;

25. Quapropter tuo sensui

Condolens naturaliter

Clamorem confers planctui,

Dicens lamentabiliter:

Eli, Eli lama sabactani;

30. hoc est, Deus, Deus meus,

ut quid dereliquisti me.

O lamentum mirabile,

Salutem agens hominum,

O innocens cor humile,

35. Poenas deplorans criminum,

Ad te fert me compassio,

Pro me te pati sentio,

Ante te me projicio

Tecumque luctum facio ;

40. Nam iste luctus utilis

Est mihi pro solatio,

Qui mihi praemiabilis

Sit in aeterno gaudio.

V.

1. Jesu dulcis memoria,

Sitibunda dilectio,

Jesu, dulcis fiducia,

Laetabunda refectio,

5. Dum extensus exsisteres

Super aram patibuli,

Dum immolatus ageres

Redemptionem populi,

Dnm te nudum adspiceret

10. Mundus instar spectaculi,

Dum lamentum ostenderet

Super te vultus saeculi,

Dum hostes de te luderent,

Et noti tui fugerent,

15. Dum clavi membra tenderent

Et nexa se contraherent,

Dum vulnera tumescerent

Et humores defluerent,

Dum carnes contremiscerent,

20. Et virtutes arescerent;

Sitim sumpsisti fervidam,

Sitim amore languidam,

Sitim virtutum cupidam,

Nostrae salutis avidam,

25. Benigne dicens: ''Sitio

''Salutemque desidero,

Pro quo me pati offero.

O sitis saluberrima,

Exoptans amicitias,

30. O sitis cordis intima,

Frangens concupiscentias,

Praesta, ut ad te sitiam

Et ista siti ardeam,

Pravam sitim effugiam,

35. Donec ad fontem transeam

Potumquae vitae hauriam,

Quo felix semper maneam

Et Deum meum videam

Sanctam ingressus patriam.

VI.

l.Jesu, nostra redemptio,

Jesu, redemptor omnium,

Jesu, nostra dilectio,

Jesu, salus credentium,

5. Dum per crucis mysterium

Diligenter perageres

Redemptoris officium,

Ut hominem redimeres

Sustinendo supplicium,

10. Ut inde nos eriperes,

Consummans sacrificium

Tuae carnis et sanguinis,

Consummans pacis proelium

Salutaris certaminis,

15. Consummans transitorium

Cursum hujus imaginis,

Consummans opificium

Redemptionis hominis ;

Dum mortis horam cerneres,

20. Dum hac vita deficeres,

Dum finem jam confingeres,

Dum omnia perficeres,

Ut in summa concluderes;

Dixisti: Consummatum est,

25. Nam Jesus crucifixus est,

Et agnus immolatus est,

Sanguis ejus effusus est,

Et pretium solutum est,

Diabolus devictus est,

30. Et bellum consummatum est,

Chirographum deletum est,

Et homo jam redemptus est.

O bonitas, boue Jesu,

Qui es nostra justitia,

35. O veritas, vere Jesu,

Qui es nostra scientia,

O caritas, care Jesu,

Qui es nostra redemptio,

O sanctitas, sancte Jesu,

40. Nostra sanctificatio,

Consumma nobis gratiam

Et consumma justitiam,

Consumma conscientiam

Et consumma laetitiam.

VII

1. Jesu, via verissima,

Jesu, salutis ostium,

Jesu, porta tutissima,

Jesu, protector omnium,

5. Jesu, salubris veritas

Et lux mentem illuminans,

Jesu vitae felicitas,

Dulcor in corde jubilans,

Dum in extremis ageres,

10. Ut animam deponeres

Et ad limbum descenderes,

Volens viam ostendere,

Per quam debemus pergere,

Volens cunctos instruere,

15. Qui facti sunt de pulvere,

Volens illum ostendere,

Qui potest nos defendere,

In quo debent confidere,

Qui mortem debent capere,

20. Tuum sacratum spiritum

Tuo patri sanctissimo

Commendasti per gemitum

Sermone deyotissimo,

Dicens : Pater, in manus tuas

25. ''commendo spiritum meum.

''Et inclinato capite

Fixus in crucis stipite,

Acriter cruentata te

Turpiter et indebite,

30. Tu emisisti spiritum,

Et orbis talem fremitum,

Quod quisque per circuitum

Tuum percepit obitum,

Ut cuncta fletum facerent,

35. Et elementa tremerent,

Et saxa se disrumperent,

Et sepulchra se panderent,

Ut terrae motus fieret,

Velum templi se scinderet,

40. Ut luna retrocederet,

Solque contenebresceret,

Ut mundus ingemisceret,

Et natura flens diceret:

Ego lugens deficio,

45. Vel Deo inest passio.

O mors, mors lacrimabilis,

Super quam plorant omnia,

O mors, mors lamentabilis,

Super quam fient innoxia,

50. O mors, mors admirabilis,

Qua suscitantur mortui,

O mors, mors amicabilis,

Qua exaltantur strenui,

O mors sacra, mors nobilis,

55. Per quam delentur scelera,

O mors pia, mors utilis,

Per quam donantur praemia,

Praesta ut haec memoria

Nos teneat continue

60. Et stimulet praecordia

Gorque pungat assidue,

Ut menti lumen influat

Et in agendis instruat,

Ut nos a culpis exuat

65. Et vitae donum tribuat.