21. De Conceptione BMV.

In 1. Vesperis.
Antiphonae.

1. Fuit homo de semine
David, Joachim nomine,

Justus, simplex ac rectus,
Vir Annae, fortis feminae,
Carentis tum propagine

Diebusque provectus.

2. Lustris quaternis incolae
Nazareth absque sobole
Fundebant tripartite
Rerum proventus uberes
Erga templum et pauperes
Et opus suae vitae.
3. Hac implorantes serie
Divinae donum gratiae
Voverunt voto pari,

Ut, si fecundi fierent,
Domino prolem sisterent
In suum famulari.

4. Tristantur tandem unice,
Dum perfert a pontifice

Sterilitatis nota
Joachim contumeliam
Et per ancillam propriam

Anna Deo devota.

5. Post objectum opprobrium
Votum implens humilium

Luctum Deus maestorum
Vertit pius in gaudium,
Gloriosa sterilium

Prole fecundans chorum.

Ad Magnificat.

A. Aurora surgit celebris,
Oritur lus de tenebris,

De spinis prodit rosa,
O Hierusalem filiae,
Jam sponsa regi gloriae

Paratur speciosa,
Jam vocatur, ut veniat,
Jam cantico pronuntiat:

Nigra sum, sed formosa.

Ad Matutinum.
Imitatorium.

Conceptam matrem Domini
Votis colentes almis

Divino laudes nomini
Jubilemus in psalmis.

In 1. Nocturno.
Antiplionae.

1. Nova facturus omnia
Nova matris primordia
Novo lustrat decore,
Ut novitatis gratia
Deus hominem gloria
Coronet et honore.

2. In sole tabernaculum
Vatum descriptum calamo

Deus sibi stabiliens
Viae disponit modulum,
Quam currat ut de thalamo
Suo sponsus progrediens.

3. Manus innocentissimae,

Cor mundum, splendor animae,

Non in vanum acceptae,
Bases et epistylia
Sunt domus Dei gloria

Virtutum circumseptae.

Responsoria.

1. Dum fabricator omnium
Omni carni diluvium

Inducit pro peccatis,
Noe justo praenuntiat,
Ut arcam sibi faciat

Ex lignis levigatis;
V. Qui ligna purgatis sarcinam

Deponit gravitatis,
Sibi suisque machinam

Salubris parans ratis.

2. Lignorum levigatio,
Per quam arcae creatio

Paratur salutaris,
Puritatem originis
Praesignat almae virginis,

Honore singularis ;
V. O felix generatio,

Cujus donis praeclaris
Profertur benedictio

Promissa Dei caris.

3. Ne carnis danda nexui
Posset anima pollui

Corporali figmento,
Corpus non dandum cineri
Decebat mundum fieri

Grati a e supplemento;
V. Si plus quam corpus anima

Sit suo documento,
De matre curet optima

Christus sequi memento.

In 2. Nocturno.
Antiphonae.

1. Ab intus regis filiae
Pollent ex auro fiinbriae

Pulchris varietatibus,
Quam oleo laetitiae
Prae cunctis unxit hodie

Deus ejus consortibus.

2. Impetus vivi fluminis
Urbem Dei laetificat

Novi decoris titulo,
Dum novum sui culminis
Templum creans sanctificat

Deus mane diluculo.
3. O gloriosa novitas,
In sanctis nova civitas

Dei fundatur montibus,
In cujus ut lactantium
Fit omnium fidelium

Habitatio moenibus.

Responsoria.

1. Arcam foederis propria
Lege non putribilia

Compingunt Sethim ligna,
Aurum vero purissimum,
Tam externum quam intimum,
Forma fulsit condigna.
V. In monte Sina Moyses

Haec de te vidit signa,
Quae praeclara foederis es
Arca, virgo benigna.
2. Quid haec imputribilitas
Lignorum, quid haec puritas

Auri gerit figurae,
Nisi mundam materiam
Duplicemque munditiam
Praeclarae creaturae ?
V. In arca florens virgula,

Manna, lex Deum purae
Signant in matris claubula
Nostras junctum naturae.
3. O creatura nobilis,
O fulgens incredibilis
Hesther forma decoris,

O fons purus in fluvium
Crescens aquarum plurium

Quasi fluvius Doris,
V. Riga nos aquae maxime

Trames et fons dulcoris,
Paradisum uberrime

Rigans intus et foris.

In 3. Nocturno.

Antiphonae.
1. Novi cantus obsequio
Sancto in ejus atrio
Dominum adorate,
Clausum semper hoc atrium
Et atrae noctis nescium
Praeclara novitate.
2. Justo lucis exordia
Profert hujus laetitia

Sanctae conceptionis,
Justi Iactentur hodie
Confitentes memoriae
Sanctificationis.
3. Exsurgat cantus novitas,
Dum nova carnis puritas

Patriarchae praeclari
Datur Abrahae semini,
Ut de promisso Domini
Laetemur salutari.

Responsoria.
1. Si caro, de qua vitium
Carnis sumpsit initium,

Digne fuit creata,
Creari constet dignius
Creatam, ut in melius
Sit caro transformata.
V. Veni, sola prae ceteris

Pulchra semper et grata,
Veniens consolaberis
De Libano vocata.
2. Omnem templi materiam
Struendi per industriam

Cautela Salomonis
Prius purgatam adjicit
Priusque summe perficit
Actu purgationis ;

V. Sic templum Dei spiritus
Omnium creans artifex
Massam perducit primitus
Ad purum, ne sit ibi faex.

3. Felix es, virgo Maria,
Quam sibi sapientia

Domum aedificavit,
Tu mons domus dominicae.
Quem montium in vertice

Dominus exaltavit.
V. In hoc monte . . , .
Convivium vindemiae
Faecis omnino nesciae

Deus cunctis paravit.

Ad Laudes.

Antiphonae.

1. In aurorae diluculo
Fulget ex tunc a saeculo

Parata Dei sedes,
Sanctitudo domum Dei
Decet, et paratur ei

Sancta prae cunctis aedes.

2. In laudibus et jubilis
Ortum aurorae rutilis

Celebrando servite
Domino cum laetitia,
Qui profert de materia

Mortali fontem vitae.

3. In sancto tibi parui
Luci plaudens et ortui

Consurgentis aurorae,
Cedant noctis caligines,
Deus, ut nos illumines

Vultus tui splendore.

4. Te benedicant omnia,
Deus, ritu perpetuo

Magnae commotionis ;
Sit benedicta gloria
Domini de loco suo

Novae creationis.

5. Tibi laus, tibi gloria,
Qui solus mirabilia

Faciens fabricasti
Auroram veri luminis,
Levans ad thronum culminis

Hesther expulsa Vasthi.

Ad Benedictus.

A. Benedictus rex gloriae,
Qui nobis parat hodie

Sui lucernam facis,
Hanc lucernam qui sequitur,
Non offendit nec labitur

Luto viae procacis ;
Per hanc elisos erige
Pedesque nostros dirige,

Deus, in viam pacis.

In 2. Vesperis.

Ad Magnificat.

A. Laudet Mariae virginis
Culmen beatitudinis

Omnis vox nationis,
Per hanc, ex quo concipitur,
Verae nobis inducitur

Vis exsultationis,
Per hanc fecundans steriles
Esurientes humiles

Implevit Deus donis.