22 NANNETEN.

De V. S. V. 11. in Clem. Cfr. Bouix, De iud. eccl. t. I, pag. 509 sq. Insuper ex actis processus nulla ratione con- stat, utrum R. D. Beauchère, qui in illo examine officio defensoris matrimonii functus est, rite fuerit deputatus, an solummodo ex proprio arbitrio Parochi assumptus.

Observationes, quae lingua gallica et sine ulla forma legitima in minimo chartae folio a Parocho actis appo- nuntur, nonnisi debiles continent rationes ad informationem. Etenim inprimis allegat excusationem ex morbo petitam, ob quam Anna citationi Officialis episcopalis non obedierit. Mox subiungit, quod propter varias circumstantias sibi saepe proposuerit quaestionem, num in isto matrimonio non de- fuerit libertas in sponsa vel non intercesserit error et de- fectus intentionis ex parte sponsi. At in processu canonico quaestiones, quas sibi proponit parochus, non sunt assertio- nes et actiones legitimis probationibus munitae. De defectu libertatis ex actis etiam postea transmissis nihil colligitur, error iste sponsi, si quis fuit, ad summum accidentalis, non substantialis vel redundans in personam dici potest. Neque cum Parocho suspicio quaedam moveri potest de de- fectu intentionis sponsi, qui certe talem mulierem voluit ducere in uxorem. Non enim quaeritur, quid sponsus fecis- set, si illam mulieris qualitatem cognovisset, sed quid re- vera fecerit. At de facto mulierem bene sibi notam matri- monio sibi coniunxit, neque in actis est ullum vestigium probationis, quod suo consensui tanquam conditionem, sine qua non, apposuerit absentiam huius defectus i. e. hyste- riae maioris.

Quae Parochus in suis observationibus subiungit de ma- trimonio isto non consummato reducuntur ad informia quae- dam testimonia medicorum, quae accurate et in forma qua- dam authentica non referuntur ideoque plenam fidem in iu- dicio facere non possunt. Unicum vero testimonium medici, quod hisce primis actis videtur fuisse insertum et impoten- tiam Annae videtur adstruere, quantum ex miserabili illa scriptura divinando colligi potest, a duobus aliis medicis